සංචාරක ශ්‍රී ලංකා කණ්ඩායම සහ අයර්ලන්ත කාන්තා කණ්ඩායම අතර තරග දෙකකින් යුත් 20-20 ක්‍රිකට් තරගාවලියේ පළමු තරගයෙන් කඩුලු 07ක ජයක් වාර්තා කිරීමට ශ්‍රී ලංකා කණ්ඩායම සමත් වුණා.
කාසියේ වාසිය දිනාගත් ශ්‍රී ලංකා කණ්ඩායම පළමුව පන්දු රැකීමට තීරණය කළ අතර පළමුව පන්දුවට පහර දීමට පිටියට පිවිසි අයර්ලන්ත කාන්තා කණ්ඩායම පන්දුවාර සියල්ල අවසානයේ කඩුලු 06ක් දැවී ලකුණු 145ක් රැස් කළා.
ඒ අනුව පිළිතුරු ඉනිම ක්‍රීඩා කිරීමට පිටියට පිවිසි ශ්‍රී ලංකා කණ්ඩායම පන්දුවාර 16යි පන්දු 04ක් අවසානයේ කඩුලු 03ක් පමණක් දැවී එම ඉලක්කය සපුරා ගැනීමට සමත් වුණා.
එහිදී හර්ෂිතා සමරවික්‍රම නොදැවී ලකුණු 86ක් රැස් කළ අතර විශ්මි ගුණරත්න ලකුණු 30ක් සහ අනුෂ්කා සංජීවනී ලකුණු 12ක් රැස් කළා.
අයර්ලන්ත කණ්ඩායම වෙනුවෙන් Gaby Lewis සහ Laura Delany එක් කඩුල්ල බැගින් දවාගැනීමට සමත් වුණා.
එහිදී පන්දු යැවීමේදී ඉනෝෂි ප්‍රියදර්ශනී කඩුලු 02ක් දවාගත් අතර උදේශිකා ප්‍රබෝධනී සහ සුගන්දිකා කුමාරි එක් කඩුල්ල බැගින් දවා ගැනීමට සමත් වුණා.
