රාජ්‍ය ඇමතිවරියක් ලෙස කටයුතු කරද්දී ජනාධිපති කාර්යාලයෙන් තමන්ට ලබාදී තිබූ වාහනය විශාල වශයෙන් අබලන් වූ වාහනයක් බව හිටපු රාජ්‍ය ඇමතිනී ඩයනා ගමගේ මහත්මිය සඳහන් කරනවා.
තමන් සංචාරක රාජ්‍ය අමාත්‍යවරිය ලෙස කටයුතු කරද්දී විවිධ ආකාරයේ බාධා කිරීම සිදුවූ බවත් ඇය ප්‍රකාශ කළා.
තමන්ට ලබා දුන් වාහන පවා නිතර මඟ කැඩෙන ඒවා බවත් ඇතැම් වාහන පාර දිගේ තෙල් හැලුන ඒවා බවත් තිරිංග පද්ධතියට අක්‍රීය වී තිබූ ඒවා බවත් ඇය සඳහන් කරනවා.
එම වාහන භාරදුන් පසු අදාළ නිලධාරීන් ගරාජ්‍වල ඒවා නවත්වා කෝටි ගණන් මුදල් වංචා කළ බවද ඇය චෝදනා කරනවා.
රුපියල් දස දහසක වියදමින් හදා ගැනීමට තිබූ වාහනයට දස ලක්ෂයක බිල් දමා තිබූ අවස්ථාද තමන්ට සාක්ෂි ඇතැයි ද ඇය ප්‍රකාශ කළා.
කෙසේ නමුත් තමන් ජනාධිපති උපදේශකාවක් ලෙස කටයුතු නොකළ බවත් අදාළ වාහනය ජනාධිපති කාර්යාලයෙන් තමන්ට ලබා දුන්නේ රාජ්‍ය අමාත්‍ය ධූරය දරද්දී අමාත්‍යංශයෙන් වාහනයක් ලබා නොදීම නිසා බවත් ඇය තවදුරටත් කියා සිටියා.
