වයස අවුරුදු 16ට අඩු ළමුන් සඳහා සමාජ මාධ්‍ය තහනම් කිරීමට ඔස්ට්‍රේලියානු රජය තීරණය කර ඇති බව වාර්තා වනවා.
එම යෝජනාව සහිත නව නීති එළැඹෙන සතියේදී එරට පාර්ලිමේන්තුවට ඉදිරිපත්කරන බව ඔස්ට්‍රේලියානු අග්‍රාමාත්‍ය ඇන්තනි ඇල්බනීස් සඳහන් කළා.
ඔස්ට්‍රේලියානු දරුවන්ට සමාජ මාධ්‍ය ඔස්සේ සිදුවන හානි අවම කිරීම සඳහා මෙම නව නීති ගෙන එන බව සඳහන්.
අගමැතිවරයා පැවසුවේ, “මෙය අපේ පියවරුන්ට සහ මව්වරුන්ට ඔවුනුත් මම වගේම අන්තර්ජාලය නිසා දරුවන්ට හානියක් වෙතැයි කනගාටුවෙනවා…මම කැමතියි ඔස්ට්‍රේලියානු දෙමව්පියන්ට කියන්න, රජය ඔබ සමග ඉන්නවා…” යනුවෙන්.
එහෙත් දැනටමත් සමාජ මාධ්‍ය භාවිත කරන දරුවන් සඳහා එම තහනම බලාත්මක නොකරන බව සඳහන්.
එසේම දෙමව්පියන්ගේ කැමැත්ත සහිතව සමාජ මාධ්‍ය පරිශීලකයින් වන දරුවන්ට ද මෙම තහනම අදාළ නොවන බව එරට බලධාරීන් සඳහන් කළා.
නමුත් තරුණ පරිශීලකයින් ආරක්ෂා කිරීමට අපොහොසත් වන තාක්ෂණික සමාගම්වලට එරෙහිව දැඩි පියවර ගන්නා බව ද ඔස්ට්‍රේලියානු අග්‍රාමාත්‍යවරයා ප්‍රකාශ කළා.
