ජාතික ජන බලවේගය (NPP) මත අඳුරු පැල්ලමක් එක් කරමින් ලෝටස් ටවර් කළමනාකරණ සමාගමට සභාපති ලෙස අලුතින් පත් කළ ශිරන්ත පීරිස්ට, රේගු බදු වැළැක්වීම සඳහා ගෙවීම් අඩු කරන ලද යොමු පත්‍ර භාවිතා කිරීම පිළිබඳව චෝදනා එල්ල වී තිබෙනවා. මෙම චෝදනාව, ආරක්ෂක අමාත්‍යාංශය විසින් 2018 දී ක්‍රියාත්මක කරන ලද සොයා බැලීමකින් හෙළි වූ බව සඳහන් වනවා.
The Morning Telegraph වෙබ් අඩවියට ලැබුණු විශ්වාසනීය තොරතුරුවලට අනුව, නැෂනල් ශූටින් ස්පෝට්ස් ෆෙඩරේෂන් (NSSF) සභාපතිවරයා වන ශිරන්ත පීරිස්, රේගු වංචා චෝදනා සම්බන්ධයෙන් තම වරද පිළිගෙන ඇති බව හෙළිව තිබෙනවා.
මෙම විමර්ශනයේදී, ක්‍රීඩා අමාත්‍යාංශයේ අධ්‍යක්ෂ ආරක්ෂක අංශයෙන් විශ්‍රාම ලත් ආර්.බී. වික්‍රමසිංහ මහතා සමඟ පැවති සාකච්ඡාවකදී, ශිරන්ත පීරිස් කියාසිටියේ:
“අවි අවශ්‍ය වූ වෙඩික්කරුවන් 11ක් සිටියා. මෙම අවි සඳහා ගෙවිය යුතු රේගු බදු විශාල ප්‍රමාණයක් තිබුණා. එම බදු අඩු කරගැනීමට, මෙම යොමු පත්‍ර භාවිතා කළා. තාක්ෂණික කමිටුව ද මෙම යොමු පත්‍රය අනුමත කළා. මෙන්න ඔවුන් අනුමත කළ ඕස්ට්‍රේලියානු ඩොලර් 5,600කට ඇති යොමු පත්‍රය.”
කෙසේවෙතත් මෙම වංචාවෙන් රේගු බදු අඩු කිරීම සඳහා ආනයන අවිවල අගය ඕස්ට්‍රේලියානු ඩොලර් 5,600ක් ලෙස පෙන්වා තිබෙනවා. ඇත්ත වශයෙන්ම, අවිවල ඇත්ත වටිනාකම මෙයට වඩා බොහෝ ඉහළයි. මේ මගින් රේගු බදු අඩු කළ අතර, අවි පුද්ගලිකව විකුණා දැමීමට යොදා ගෙන රු. 700,000 – 800,000 අතර ලාභයක් උපයාගැනීමට හැකියාවක් තිබුණා.
ආරක්ෂක අමාත්‍යාංශය 2018 දී මෙම චෝදනා හෙළි කළද, විමර්ශනයක් ක්‍රියාත්මක කරනු ලැබුවද, එය පසුව දේශපාලන බලපෑමකින් නතර කර තිබෙනවා.
ශිරන්ත පීරිස්, NPP සමඟ ඉතා සමීපව සම්බන්ධ වී සිටින අතර, මැතිවරණ ප්‍රචාරක ගමන් මාලාවන්හි පක්ෂය ප්‍රශංසා කළ අයෙක්. විවේචකයන් පෙන්වා දෙන්නේ, මෙම පක්ෂපාතීත්වය ශිරන්ත පීරිස්ට ආරක්ෂාවක් ලබාදෙනවා පමණක් නොව, ලෝටස් ටවර් කළමනාකරණ සමාගමේ සභාපති ධුරය ලබාගැනීමට ද උපකාර වී ඇති බවයි.
මෙම සිදුවීම් පිළිබඳව විමර්ශනය නතර කිරීම තුළින් දැන් ක්‍රීඩා සංවර්ධන අධ්‍යක්ෂ ජනරාල් ධුරයේ සිටින ආචාර්ය ෂෙමල් ප්‍රනාන්දු මහතාගේ සම්බන්ධතාවය පිළිබඳ තවදුරටත් ප්‍රශ්නකාරී වනවා. NSSF වල අතුරැ කමිටුවේ සභාපති ලෙස කටයුතු කළ ෂෙමල් ප්‍රනාන්දු මහතාගේ අත්සන වංචා සම්බන්ධිත ඇතැම් ලිපි වල දක්නට ලැබෙනවා.
කෙසේවෙතත් NPP විසින් අයුතු ක්‍රියාවන්ට සම්බන්ධ පුද්ගලයන් පිළිබඳව නීතිගත ක්‍රියාමාර්ග ගත යුතුයි. එමෙන්ම The Morning Telegraph වෙබ් අඩවිය, මෙහි ඉදිරි විමර්ශණ වාර්තා කිරීමට බලාපොරොත්තු වන අතර ඒ තුළින් ජනතාවගේ විශ්වාසය නැවත ලබාදීමට සහය දක්වන වෙබ් අඩවියක් බව මතක් කර සිටිමි.
