එංගලන්ත ජාතික ක්‍රිකට් කණ්ඩායමේ පුහුණුකාර ධුරය සඳහා හිටපු ශ්‍රී ලංකා නායක කුමාර් සංගක්කාර අපේක්ෂකයෙකු වනු ඇති බව විදෙස් මාධ්‍ය වාර්තා කරනවා.
වර්තමානයේ එංගලන්ත කණ්ඩායමේ එම ධුරය දරණ මැතිව් මොට් එම ධුරයෙන් ඉවත් වීමට නියමිත අතර අදාළ ආකෘතිවල එංගලන්ත කණ්ඩායමේ නායකයා ලෙස ඉදිරියටත් ජොෂ් බට්ලර් සිටිනු ඇති බවට එම මාධ්‍ය වාර්තා සඳහන් කරනවා.
බ්‍රිතාන්‍ය යේ සුප්‍රක්‍රට The Telegraph UK මෙම කරුණ වාර්තා කිරීමේදී කුමාර් සංගක්කාර සහ ජොෂ් බට්ලර් අතර රාජස්ථාන් රෝයල්ස් කණ්ඩායමේ පවතින සබඳතාව අනාවරණය කර ඇති අතර එළඹෙන සතියේ සිට පුරප්පාඩු වන ප්‍රධාන පුහුණුකරු ධුරය සඳහා සලකා බැලීමට නියමිත අපේක්ෂකයන් දෙදෙනෙකු ද නම් කර තිබෙනවා.
ඒ අනුව සංගක්කාර හැර හිටපු ඔස්ට්‍රේලියානු ක්‍රීඩක මයිකල් හසී සහ වත්මන් ඇෆ්ගනිස්ථාන කණ්ඩායමේ පුහුණුකරු වන හිටපු එංගලන්ත ක්‍රිකට් නායක ජොනතන් ට්‍රොට් ද වන බවයි විදෙස් මාධ්‍ය වාර්තා කරන්නේ.
මෙම පත් කිරීම එක්දින තරඟ සහ ඕවර් 20 තරඟාවලි සඳහා බවයි වාර්තා වන්නේ.
