ශ්‍රී ලංකාවේ මේ දිනවල පැතිර යමින් තිබෙන්නේ මැලේසියාව සහ ඉන්දියාවේ පැතිර යන කොඩ් අනුප්‍රභේදය බව තහවුරු වී ඇතැයි කොළඹ වෛද්‍ය පර්යේෂණ ආයතනයේ වයිරස් රෝග විශේෂඥ වෛද්‍ය ජූඩ් ජයමහ මහතා කියා සිටියා.
කොළඹ වෛද්‍ය පර්යේෂණ ආයතනයේ වයිරස් රෝග විශේෂඥ වෛද්‍ය ජානකී අබේනායක මහත්මිය සිදු කළ පර්යේෂණ අනුව ශ්‍රී ලංකාවේ පැතිර යන්නේ කොවිඩ් ඔමික්‍රෝන් ප්‍රභේදයේ LF. I සහ NB 1.8.1 නැමති අනු ප්‍රභේද බව තහවුරු කරගත් බවද වෛද්‍ය ජයමහ මහතා ප්‍රකාශ කළා.
කෙසේ වෙතත් මෙම කොවිඩ් අනුප්‍රභේද සම්බන්ධයෙන් අනිසි බියක් ඇති කරගත යුතු නැතැයිද ඔහු සඳහන් කළා.
ගර්භනී මාතාවන් වැඩිහිටි කාන්තාවන් හා නිධන්ගත රෝගීන් තමන්ගේ ආරක්ෂාව සලසා ගත යුතු බව ද ඔහු කියා සිටියා.
ඒ අනුව ඔවුන්ට මුඛ ආවරණ පැලදීම අත් සේදීම මහජනතාව වැඩිපුර ගැවසෙන ස්ථානවල නොගැවසීම ආදී සෞඛ්‍ය පුරුදු අනුගමනය කළ හැකි බවද විශේෂඥ වෛද්‍ය ජුඩ් ජයමහ මහතා සඳහන් කළා.
කොළඹ වෛද්‍ය පර්යේෂණ ආයතනය රට පුරා සියලුම පළාත් හා ප්‍රදේශ නියෝජනය වන පරිදි රෝහල් වලින් ලබා ගන්නා සෙම පටල නිරන්තර පරීක්ෂාවට ලක්කරන බව ද ඔහු කියා සිටියා.
සාමාන්‍යයෙන් මෙම කොවිඩ් නව ප්‍රභේදය ඇතැම් කාලවලදී පැතිර යන අතර ඒ පිළිබඳව අනිසි බියක් ඇතිකර ගත යුතු නැතැයි ද ඇය කියා සිටියා.
