අනෙක් සියළුම ක්ෂේත්‍රයන් සඳහා මෙන්ම මාධ්‍ය සඳහාද යම් පාලනයක් නියාමනයක් අවශ්‍ය වන බව වැවිලි කර්මාන්ත අමාත්‍ය සමන්ත විද්‍යාරත්න මහතා පවසනවා.
නමුත් ඒ කිසිසේත්ම මාධ්‍ය මර්ධනයක් නොවන බවද ඔහු කියා සිටියා.
ඒ අනුව ඒ සම්බන්ධයෙන් අදාල පාර්ශවයන් සමග සාකච්ඡා කරමින් අවශ්‍ය කටයුතු සිදු කරන බවත් ඔහු කියා සිටියා.
විශේෂයෙන්ම සමාජ මාධ්‍ය සඳහා යම් යම් නියාමන කටයුතු සිදුකිරීම අවශ්‍ය බවත් ලෝකයද එවන් ක්‍රමවේද භාවිතා වන බවද ඔහු සඳහන් කළා.
ඔහු මේ බව කියා සිටියේ උත්සව සභාවකින් අනතුරුව මාධ්‍ය වෙත අදහස් පළ කරමින්.
