මෙවර පැරිස් ඔලිම්පික් උලෙළ අදින් අවසන්වීමට නියමිතව තිබෙනවා.
ජූලි 26 වනදා 2024 ඔලිම්පික් උලෙළ ආරම්භ වූ අතර එය පුරා දින 15කට වැඩි කාලයක් පැවැත්වුණා.
ක්‍රීඩා 32කට අදාළව තරග 329ක් පැවති අතර ඊට ක්‍රීඩකයින් 10,714 දෙනෙකු සහභාගී වුණා.
ඊයේ පිරිමි සහ කාන්තා මීටර් 100 සහාය දිවීම ඉසව්වල අවසන් තරග පැවති අතර එහි පිරිමි ඉසව්වේ ප්‍රථම ස්ථානය කැනඩා කණ්ඩායමටත් කාන්තා ඉසව්වේ ප්‍රථම ස්ථානය අමෙරිකාවත් දිනා ගත්තා
රන් පදක්කම් සටහනේ මේ වනවිට පෙරමුණ ගැනීමට චීනය සමත්ව ඇති අතර ඔවුන් රන් පදක්කම් 39ක් හිමිකරගෙන තිබෙනවා.
අමෙරිකාව රන් පදක්කම් 38ක් හිමිකර ගනිමින් රන් පදක්කම් සටහනේ දෙවන ස්ථානයේත් ඕස්ට්‍රේලියාව රන් පදක්කම් 18ක් හිමිකර ගනිමින් තෙවන ස්ථානයේත් රැඳී සිටිනවා.
