නාන්නේරිය පොලිස් වසමේ පයිරික්කුලම ප්‍රදේශයේ නිවසක පදිංචිව සිටි 62 හැවිරිදි කාන්තාවක් සිය නිවස තුලදීම මිය ගොස් සිටියදී පොලිසිය විසින් සොයාගෙන තිබෙනවා.
සිටින තම මව දුරකථනයට ප්‍රතිචාර නොදැක්වීම හේතුවෙන් ඒ සම්බන්ධව සොයා බලන ලෙසට ඇයගේ පුතා විසින් ඊයේ උදෑසන අසල්වාසී පුද්ගලයෙකුට දැනුම්දී තිබෙනවා.
ඒ අනුව එම පුද්ගලයා විසින් අදාළ නිවසට යාමේදී නිවසේ පිටුපස දොර විවෘත කර තිබීම හා නිවස තුළින් දුඟදක් හැමීම හේතුවෙන් සැක සිතී ඒ සම්බන්ධව නාන්නේරිය පොලීසියට දැනුම් දී තිබෙනවා.
එම දැනුම්දීම මත පොලිස් නිලධාරීන් කණ්ඩායමක් එම නිවසට ගොස් පරීක්ෂා කර බැලීමේදී නිවස තුල තිබී එම කාන්තාවගේ මෘත ශරීරය හමුවී ඇති බවයි වාර්තා වන්නේ.
සිදු කරන ලද විමර්ශනයේදී අනාවරණය වී ඇත්තේ මෙම කාන්තාව දින කිහිපයකට පෙර මියගොස් ඇති බවට හා මෙය මනුෂ්‍ය ඝාතනයක් බවටයි.
මෘත ශරීරය අසල තිබී පොරවක් ද හමුවී තිබෙනවා.
මරණකාරියගේ පුරුෂයා මීට පෙර මියගොස් ඇති අතර, ඇයගේ දියණියන් දෙදෙනා සහ පුත්‍රයා නිවසින් බැහැරව රැකියා වල නිරත වන බවත් මරණකාරිය පමණක් නිවසේ ජීවත්ව සිට ඇති බවත් පොලීසිය සඳහන් කළා.
නාන්නේරිය පොලීසිය වැඩිදුර විමර්ශන සිදු කරනවා.
