ඊයේ (05) දින පැවතී හයවන තරගයේදී අපරාජිත Galle Marvels කණ්ඩායම පරාජය කරමින් සුපිරි ජයක් ලැබීමට Jaffna Kings කණ්ඩායම සමත් වුණා.
කාසියේ වාසිය දිනා පළමුව පන්දුවට පහරදීමට Jaffna Kings කණ්ඩායම Galle Marvels කණ්ඩායමට ආරාධනා කළා. ඒ අනුව පන්දුවට පහරදීමට, පළමුව පිටියට පිවිසි Galle Marvels කණ්ඩායම පන්දුවාර විස්ස අවසානයේ කඩුළු පහක් දැවී ලකුණු 187 ක් රැස් කිරීමට සමත් වුණා.
මෙහිදී නායක නිරෝෂන් දික්වැල්ල පන්දු 9 ක් තුල ලකුණු 12 ක්ද, ඇලෙක්ස් හේල්ස් පන්දු 19 ක් තුල ලකුණු 23 ක්ද , විශිෂ්ට පිතිහරඹයක නිරත වූ Tim Seifert පන්දු 63 ක් තුල හතරේ පහර දොළහක් සහ හයේ පහර හයක් සමගින් නොදැවී ලකුණු 104 ක්ද රැස් කරගැනීමට සමත් වුණා.
එහිදී ප්‍රමෝද් මදුෂාන් 36-1, අස්මතුල්ලා ඔමර්සායි 33-2 ක් සහ ෆේබියන් ඇලන් 42-1 ක් ලෙස කඩුලු දවාගැනීමට සමත් වුනා.
පිළිතුරු ඉනිම ක්‍රීඩාකළ Jaffna Kings කණ්ඩායම පන්දුවාර 19 යි පන්දු 4 කදී ලකුණු 191ක් රැස් කරමිනි කඩුලු 5 ක විශිෂ්ට ජයක් හිමිකර ගැනීමට සමත් වුණා.
එහිදී පැතුම් නිස්සංක පන්දු 11 ට ලකුණු 12 ක්ද , කුසල් මෙන්ඩිස් පන්දු 16 ට ලකුණු 30 ක් ද , රයිලි රෝසොව් පන්දු 42 ක් තුල ලකුණු 67 ක්ද රැස්කරගැනීමට සමත් වුනා.
Galle Marvels වෙනුවෙන් පන්දු යැවීමේ නිරතවූ සහුර් ඛාන් 33-2, ඉසුරු උදාන 42-1 ක් සහ මහීෂ් තීක්ෂණ 29-1 ක් ලෙස කදුළු දවාගැනීමට සමත් වුණා.
තරගයේ විරයා අස්මතුල්ලා ඔමර්සායි.
