වන් ඩිරෙක්ෂන් ගායක කණ්ඩායම කලක් ලොව තරුණ තරුණියන් අතර උන්මාදයක් ඇතිකිරීම සමත් වුණා.
පස් දෙනෙකුගෙන් යුතු මේ කණ්ඩායමේ එක් සාමාජිකයෙක් වූ ලියම් පෙයින් ඊයේ (16) රාත්‍රියේ හදිසියේ මියගොස් තිබෙනවා.
31 හැවිරිදි පෙයින් මෙලෙස හදිසියේ මරුමුවට පත්වූයේ ආර්ජන්ටිනාවේ බුවනෝස් අයර්ස් නුවර ගොඩනැගිල්ලක තෙවැනි මහලෙන් ඇදවැටීමෙන්.
ඔහු ආර්ජන්ටිනාවට ගොස් තිබුණේ වන් ඩිරෙක්ෂන් කණ්ඩායමේ හිටපු සාමාජිකයෙක් වන නයිල් හෝරන්ගේ ප්‍රසංගයකට එක්වීම සඳහායි.
පෙයින් මියයාමට මොහොතකට පෙර මත්වූ තැනැත්තෙක් කලහකාරී ලෙස හැසිරෙන බවට වන තොරතුරක් ආර්ජන්ටිනා හදිසි අංශවලට ලැබී ඇති අතර, ඔවුන් එම ස්ථානයට ළඟාවීමට පෙර ඔහු ඇදවැටී මියගොස් තිබූ බව වාර්තා වනවා.
අදාළ තැනැත්තා පෙයින් බවට පසුව පොලීසිය හඳුනාගෙන තිබුණා.
