තමන් බලයට ආ පසු තෙල් ලීටරය රුපියල් 52 තෙක් පහත දමන්නේ යයි පැවසූ වත්මන් ආණ්ඩුව පෙට්‍රල් මිල රුපියල් දෙකකින් අඩු කොට අනෙකුත් ඉන්ධන මිල ඉහළ නංවා ඇති බව ජනසෙත පෙරමුණේ නායක බත්තරමුල්ලේ සීලරතන හිමි චෝදනා කරනවා.
ගොවි ජනතාවට ප්‍රශ්නයක් ආ විට ගොයම් කරල ඉඟුරු කරල කටේ ගහගෙන අල ලූනු මාධ්‍යයට පෙන්වමින් කටයුතු කළ වත්මන් අමාත්‍ය නාමල් කරුණාරත්න ගොවියන්ට වගා හානි ලෙස අද රුපියල් 40,000ක් වෙන් කර ඇති බවද උන්වහන්සේ ප්‍රකාශ කර සිටියා.
වෙනත් ආණ්ඩුවක් මෙය කළා නම් ගොවියන් සමග පාරට බැස අමුඩ ගසා ගෙන උදළු මන්නා කැති පොරෝ කෙටේරි උස්ස ගෙන පාර දිගේ විරෝධතා කරනු ඇති බවත් ගොවියන්ගෙන් දැන් සැප ද කියා තමන් වහන්සේ අසන බවත් එහිමියන් සඳහන් කළා.
