ජාතික ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රීනි කෞශල්‍යා ආරියරත්න මහත්මිය විසින් අපරාධ පරීක්ෂණ දෙපාර්තමේන්තුවට පැමිණිල්ලක් කර තිබෙනවා.
එමගින් ඇය සඳහන් කරන්නේ තමන් සම්බන්ධයෙන් සමාජ ජාලා ඔස්සේ අසත්‍ය පුවත් ප්‍රචාරය වන බවයි.
ඒ හරහා තමා කීර්ති නාමයට හානි කිරීමේ අදහස් අදහසක් ඇති බවද ඒ සම්බන්ධයෙන් සොයා වගකිව යුත්තන්ට එරෙහිව පියවර ගන්නා ලෙසද ඇය ඉල්ලා තිබෙනවා.
ඇය ඒ පිලිබදව තම සමාජ ජාල ගිණුමේ සටහනක් තබා ඇත්තේ මෙලෙසයි.
මා පිලිබඳව සමාජ මාධ්‍ය ඔස්සේ පැතිර යන ද්වේශසහගත සහ මුළුමනින්ම අසත්‍ය පුවත්, විශේෂයෙන් මා හට පෞද්ගලිකව ඉලක්ක කරමින් පළ කරන ඒවා පිළිබඳව සී.අයි.ඩී ය (CID) වෙත මා විසින් අද නිල පැමිණිල්ලක් ගොනු කළෙමි.
මෙවැනි පහත් ක්‍රම මගින් කාන්තාවන් දේශපාලනයෙන් ඉවත් කිරීමට උත්සාහ කරන්නේ නම්, අප ඔවුනට කියන්නේ – ඔබලා තවත් උත්සාහ කරන්න! එවැනි අසාර්ථක උපක්‍රමවලින් සාමූහික ව්‍යාපාරයකින් බිහි වුණු රජයක් බිඳ වැට්ටීමට සිතන්නේ නම්, ජීවීත කාලයම උත්සාහ කරන්න!
මෙවැනි දේශපාලනිකව අනාථ වූ කණ්ඩායම් මෙවැනි සිල්ලර කුමන්ත්‍රණවලට වෙර දරන මධ්‍යයේ, අපි අපේ ගමන යන්නෙමු.
