ප්‍රබල දේශපාලඥයෙකුගේ බිරිඳක් ඇතුළු දේශපාලඥයන් පස් දෙනකුට ඉතා නුදුරේදීම අත්අඩංගුවට ගැනෙනු ඇති බව රජයේ ආරංචි මාර්ග උපුටා දක්වමින් ජාතික පුවත්පත් වාර්තා කරනවා.
විවිධ වංචා හා දූෂණවලට සම්බන්ධව සිදුකරන පරීක්ෂණවලට අදාළව මෙම අත්අඩංගුවට ගැනීම සිදු කිරීමට නියමිතව ඇති බවයි පැවසෙන්නේ.
මෙසේ අත්අඩංගුවට ගැනීමට නියමිත පිරිස අතර විදේශ රැකියාවලට පුද්ගලයින් යවන බව කියා මුදල් වංචා කල දේශපාලඥයෙකුද, විපක්ෂය නියෝජනය කරන පාර්ලිමේන්තු මන්ත්‍රීවරයෙක් ද, සංචාරක මණ්ඩලයේ අක‍්‍රමිකතාවලට සම්බන්ධ වූ ප්‍රධානීන් කීපදෙනෙකුද වන බව සඳහන්.
මේ අතර මිග් යානා ගනුදෙනුවේදී සිදු වූ වංචා සම්බන්ධ වන වග උත්තරකරුවන් පිරිසක් මෙන්ම මහ බැංකු බැඳුම්කර ගනුදෙනුවේදී චෝදනා ලැබූ පිරිසක්ද ඇතුළු දහයකට අධික පිරිසක් සම්බන්ධයෙන්ද පරීක්ෂණ කඩිනම් කර තිබේ.
