සෑම මන්ත්‍රීවරයෙකුටම වාහනයක් අවශ්‍ය බව ජාතික ජන බලවේග කුරුණෑගල දිස්ත්‍රික් පාර්ලිමේන්තු මන්ත්‍රී ධර්මප්‍රිය දිසානායක මහතා සඳහන් කරනවා.
මන්ත්‍රීවරුන් සඳහා වාහන ලබාදීමට එකඟතාවයකට මේ වන විට පැමිණ ඇති බවත් එය කුමන ආකාරයේ වාහනයක් දැයි මෙතෙක් නොදන්නා බවත් ඒ මහතා කියා සිටියා.
පාර්ලිමේන්තු මන්ත්‍රීවරුනට තම කාර්යභාරය සිදුකිරීමට වාහනයක අවශ්‍යතාවය බැහැර නොකරන බවද ඔහු කියා සිටියා.
නවීන වාහනයක් මන්ත්‍රීවරුන් සඳහ ලැබෙනු ඇති බවද පැවසූ ඔහු ට දැනට සංචිතවල ඇති පැරණි වාහන සියල්ල භාවිතා කළ හැකි මට්ටමක නැති බවද කියා සිටියා.
සංචිතවල ඇති වාහනවල බොහෝ කොටස් ගලවා ඉවත් කරගෙන රජයට භාර දී ඇති බවත් ඒවා යළි අලුත්වැඩියා කර භාවිතා කරන්නට ගියොත් විශාල මුදලක් වැය වෙන බවද පැවසූ ඔහු නවීන වාහනයක් ලබාදීමට කටයුතු කරන්නේ කිරීම සුදුසු බවත් කියා සිටියා.
කුරුණෑගල යන්ත්‍රෝපකරණ අධිකාරි කාර්යාලයේ නිරීක්ෂණ චාරිකාවට එක්වීමෙන් අනතුරුව මාධ්‍ය අමතමින් ඔහු මේ බව සඳහන් කළා.
