ජනතාවට වැඩි සහන ලබා දීම සඳහා රජය අන්තර්ජාතික මූල්‍ය අරමුදලේ ගිවිසුම සමාලෝචනය කරන බව මුදල් නියෝජ්‍ය අමාත්‍ය හර්ෂණ සූරියප්පෙරුම අද පාර්ලිමේන්තුවේදී සඳහන් කළා.
අන්තර්ජාතික මූල්‍ය අරමුදලේ ගිවිසුම දැනටමත් යම් ප්‍රමාණයකට සමාලෝචනය කර ඇති අතර සමහර බදු සහන ලබා දී ඇති බව නියෝජ්‍ය අමාත්‍යවරයා ප්‍රකාශ කළා.
මෙයට, උපයන විට ගෙවන බද්ද රුපියල් 150,000 දක්වා වැඩි කිරීම, කිරි ආහාර සඳහා වැට් බද්ද නිදහස් කිරීම සහ පාසල් ලිපි ද්‍රව්‍ය මිලදී ගැනීම සඳහා අවශ්‍යතා ඇති සියලුම දරුවන්ට රුපියල් 6,000ක් ගෙවීම ද ඇතුළත් බව ඔහු සඳහන් කළා.
මෙම සහනය අස්වැසුම නොලබන පවුල්වල දරුවන්ට ද විවෘත වන බව නියෝජ්‍ය අමාත්‍යවරයා සඳහන් කළා.
