පළාත් පාලන මැතිවරණයේදි නුවරඑලිය දිස්ත්‍රික්කයේ පළාත් පාලන ආයතන රැසක බලය ලංකා කම්කරු කොංග්‍රසය සතුකර ගන්නා බව එම පක්ෂයේ මහ ලේකම් සහ නුවරඑලිය දිස්ත්‍රික් පාර්ලිමේන්තු මන්ත්‍රී ජීවන් තොන්ඩමන් මහතා පවසනවා.
මෙවර පළාත් පාලන මැතිවරණයේදි නුවරඑලිය දිස්ත්‍රික් පළත් පාලන ආයතන වලට තරගකරන අපේක්ෂකයන් සිය මැතිවරණ ප්‍රචාරක කටයුතු ආරම්භ කිරිමට ප්‍රථම හැටන් කොටගල කොටගල ශ්‍රී මුත්තු විනායගර් කෝවිලේ පැවති ආශිර්වාද පූජාවෙන් අනතුරුව කොටගල පක්ෂ කාර්යාල මූලස්ථානයේ දි මාධ්‍යට අදහස් දක්වමින් ජීවන් තොන්ඩමන් මහතා ඒ බව කියා සිටියා.
මෙහිදී වැඩිදුරටත් අදහස් දැක්වු ජීවන් තොන්ඩමන් මහතා කියා සිටියේ මෙවර පළාත් පාලන මැතිවරණයේ දි තම පක්ෂයේ ලාංඡනය වන කුකුළා සලකුණින් තරගකරන බවත්, එම ලාංඡනය යටතේ කොත්මලේ සහ මස්කෙළිය ප්‍රාදේශිය සභාවට තරග කිරිම සදහා ලබා දුන් නාම යෝජනා ප්‍රතික්ශේප වීම සම්බන්ධයෙන් අධිකරනය හමුවේ නෛතික පියවර ගෙන ඇති බවයි.
පළාත් පාලන මැතිවරණයේ දි පාලන බලය ලබා ගැනීමට වෙනත් පක්ෂවල සහයෝගය ලබාගෙන හෝ තරග කරන පළාත් පාලන ආයතන වල පාලන බලය ලබා ගැනිමට පියවර ගන්නා බවද ජීවන් තොන්ඩමන් මහතා මාධ්‍ය හමුවේ වැඩිදුරටත් කියා සිටියා.
