මෙම සතියේ ශ්‍රී ලංකාවට පැමිණීමට නියමිත අග්‍රාමාත්‍ය නරේන්ද්‍ර මෝදිගේ සංචාරය පිළිබඳව හිටපු ජනාධිපති රනිල් වික්‍රමසිංහගේ එක්සත් ජාතික පක්ෂය (UNP) ඉරිදා සුබ පැතුම් එක්කර ඇති බව ඉන්දීය PTI පුවත් සේවය වාර්තා කරනවා.
මෝදි අප්‍රේල් 4 වැනි දින ශ්‍රී ලංකාවේ දෙදින සංචාරයක් ආරම්භ කරනු ඇති අතර “මෙම සංචාරය අපගේ ශ්‍රේෂ්ඨ ජාතීන් දෙක අතර කාලානුරූපී සම්බන්ධතාවයේ වටිනා සන්ධිස්ථානයක් නියෝජනය කරයි,” යනුවෙන් එක්සත් ජාතික පක්ෂ ප්‍රකාශයක සඳහන් වුණා.
2023 ජූලි මාසයේදී සම්මත කරන ලද “ඉන්දියානු-ශ්‍රී ලංකා ආර්ථික හවුල්කාරිත්ව දැක්ම” ශක්තිමත් කිරීමට මෙම සංචාරය අවස්ථාවක් ඉදිරිපත් කරන බව එක්සත් ජාතික පක්ෂය කියා සිටියා.
ශ්‍රී ලංකාවේ ආර්ථික අර්බුදය අතරතුර ඉන්දියාව විසින් ඇමරිකානු ඩොලර් බිලියන 4 ක ආධාර ලබා දීම “අපගේ මිත්‍රත්වයේ ගැඹුරට සාක්ෂියක්” බව එක්සත් ජාතික පක්ෂය සිහිපත් කරනවා.
ඉන්දියාව සමඟ ඒකාබද්ධව නැගෙනහිර දිස්ත්‍රික්කයේ ත්‍රිකුණාමලය සංවර්ධනය කිරීම වෙළඳාම, බලශක්තිය සහ සමුද්‍රීය ක්‍රියාකාරකම් සඳහා මධ්‍යස්ථානයක් ස්ථාපිත කිරීමේ හැකියාව ඇති අතර කලාපීය සම්බන්ධතාවය බලාත්මක කරනවා.
දැරිය හැකි සහ විශ්වාසදායක බලශක්තියක් ලබාදීම සඳහා යෝජිත විදුලිබල ජාල අන්තර් සම්බන්ධතාවයට එක්සත් ජාතික පක්ෂය වැදගත්කමක් ලබාදෙන බව එම නිවේදනයේ සඳහන් වනවා.
ශ්‍රී ලංකාවේ ඊසානදිග මන්නාරම සහ ඉන්දියාවේ දකුණු කලාපය අතර මුහුද යට කේබලයක් හරහා විදුලිබල ජාල ඒකාබද්ධ කිරීම පිළිබඳ අවබෝධතා ගිවිසුම මෙම සංචාරය අතරතුර ඇති කර ගැනීමට නියමිත ද්විපාර්ශ්වික ගිවිසුම්වලින් එකක් වනු ඇතැයි විදේශ අමාත්‍ය විජිත හේරත් කියා සිටියා.
“මෙම හවුල්කාරිත්වය අවසානයේ අපගේ ජනතාවගේ යහපැවැත්ම සඳහා කැපවී ඇත,” එක්සත් ජාතික පක්ෂය කියා සිටියා.
“අග්‍රාමාත්‍ය නරේන්ද්‍ර මෝදිට සත්කාරකත්වය ලබාදීමේදී, මෙම ද්විපාර්ශ්වික දැක්ම සඳහා ඔවුන්ගේ කැපවීම නැවත තහවුරු කරන ලෙස එක්සත් ජාතික පක්ෂය සියලුම පාර්ශ්වකරුවන්ගෙන් ඉල්ලා සිටිනවා”
2015 දී බලයට පත්වීමෙන් පසු මෝදිගේ සිව්වැනි ශ්‍රී ලංකා සංචාරය මෙය වනවා. ඔහු අවසන් වරට ශ්‍රී ලංකාවට පැමිණියේ 2019 ජුනි මාසයේදීයි.
