2024 ජනාධිපතිවරණය සඳහා අද (15) දිනයේ නාමයෝජනා භාරදුන් අපේක්ෂයන් 39 දෙනාගේම නාමයෝජනා පිළිගත් බව මැතිවරණ කොමිසම නිවේදනය කළා.
අපේක්ෂයින්ගේ නාමයෝජනා භාරගැනීමෙන් අනතුරුව විරෝධතා තුනක් ඉදිරිපත් වූ බව මැතිවරණ කොමිෂන් සභාව සඳහන් කළා.
එහෙත් එම විරෝධතා මැතිවරණ පනත අනුව ප්‍රතික්ෂේප කිරීමට මැතිවරණ කොමිසමේ බලධාරීන් පියවර ගෙන තිබුණා.
ඒ අනුව ජනාධිපතිවරණයට අපේක්ෂකයින් 39 දෙනෙකු සුදුසුකම් ලැබූ බව මැතිවරණ කොමිසම නිවේදනය කළා.
ජනාධිපති අපේක්ෂකයින්ගේ නාමලේඛනය පහතින් දැක්වේ.
- දිලිත් සුසන්ත ජයවීර
- සරත් මනමේන්ද්‍ර
- අබුබකර් මොහොමඩ් ඉන්ෆාස්
- ඒ. එස්. පී. ලියනගේ
- පානි විජේසිරිවර්ධන
- ප්‍රියන්ත පුෂ්පකුමාර වික්‍රමසිංහ
- අජන්ත ද සොයිසා
- බත්තරමුල්ලේ සීරලතන හිමි
- සරත් ෆොන්සේකා
- නුවන් සංජීව බෝපගේ
- හිටිහාමිලාගේ දොන් ඕෂල ලක්මාල් අනිල් හේරත්
- ජනක ප්‍රියන්ත කුමාර රත්නායක
- කේ.කේ. පියදාස
- මයිලවාගනම් තිලකරාජා
- සිරිපාල අමරසිංහ
- පාක්‍යසෙල්වම් අරියනේත්‍රන්
- සරත් කීර්තිරත්න
- කේ. ආනන්ද කුලරත්න
- නාමල් රාජපක්ෂ
- අක්මීමන දයාරතන හිමි
- කේ.ආර්. කිෂාන්
- පොල්ගම්පොළ රාළලාගේ චමින්ද අනුරුද්ධ
- විජයදාස රාජපක්ෂ
- අනුර සිඩ්නි ජයරත්න
- සිරිතුංග ජයසූරිය
- මහින්ද දේවගේ
- මොහොමඩ් ඉල්ලයාස්
- ලක්ෂ්මන් නාමල් රාජපක්ෂ
- ඇන්ටනි වික්ටර් පෙරේරා
- කීර්ති වික්‍රමරත්න
- සජිත් ප්‍රේමදාස
- රනිල් වික්‍රමසිංහ
- මරක්කලමානගේ ප්‍රේමසිරි
- ලලිත් ද සිල්වා
- පී. ඩබ්. එස්. කේ. බණ්ඩාරනායක
- ඩී.එම්. බණ්ඩාරනායක
- අනුර කුමාර දිසානායක
- අගම්පොඩි ප්‍රසංග සුරංජීව අනෝජ් ද සිල්වා
- අනුරුද්ධ රණසිංහ ආරච්චිගේ රොෂාන්
2024 ජනාධිපතිවරණයට අදාළ නාමයෝජනා භාරගැනීම රාජගිරියේ පිහිටි මැතිවරණ ලේකම් කාර්යාලයේදී අද (15) උදෑසන සිදු කළා.
මැතිවරණ කොමිසම පැවසුවේ ඇප තැබු අපේක්ෂකයින් 40 දෙනා අතුරින් 39 දෙනෙකු නාමයෝජනා භාරදුන් බවත් සරත් කුමාර ගුණරත්න මහතා නාමයෝජනා නොදුන් බවත්ය.
නාමයෝජනා භාරගැනීම උදෑසන 9ට ආරම්භ කළ අතර එම කටයුතු නිමවූයේ උදෑසන 11ටයි.
නාමයෝජනා භාරගැනීමේ කටයුතුවලින් අනතුරුව ඉදිරිපත් වූ විරෝධතා සලකා බැලීමෙන් අනතුරුව ජනාධිපතිවරණයට ඉදිරිපත්වීමට සුදුසුකම් ලැබූ අපේක්ෂකයින් පිළිබඳව මැතිවරණ කොමිෂන් සභාව ප්‍රකාශයට පත් කළා.
එහිදී ස්වාධීනව ඉදිරිපත් වී සිටින අපේක්ෂකයින් සඳහා ඡන්ද සලකුණු නිකුත් කිරීම ද සිදු කළා.
මෙවර ජනාධිපතිවරණයට අදාළ ඇප මුදල් භාරගැනීමේ කාලය ඊයේ (14) දහවල් 12.00න් අවසන් වූ අතර ඒ අනුව අපේක්ෂකයින් 40 දෙනෙකු ඇප මුදල් තැන්පත් කර ඇති බව මැතිවරණ කොමිෂන් සභාව සඳහන් කළා.
