2024 ජනාධිපතිවරණයේ ඡන්ද ගණන් කිරීමේදී දෙවන මනාපය ගණන් කිරීමට සිදු වුවහොත් ප්‍රතිඵල ලබාදීම ප්‍රමාද විය හැකි බව මැතිවරණ කොමිෂන් සභාවේ සභාපති ආර්.එම්.ඒ.එල්. රත්නායක මහතා පවසනවා.
ඒ සම්බන්ධයෙන් ජනතාව චකිතයක් හෝ සැකයක් ඇතිකර ගත යුතු නැතැයි සභාපතිවරයා ප්‍රකාශ කළා.
ගණන් කිරීමේ මධ්‍යස්ථාන වල සිට කිලෝමීටර් 30කට වැඩි ඉතා දුෂ්කර ප්‍රදේශ වල පිහිටි ඡන්ද පොළවල් තිබෙන බවත් එවැනි ඇතැම් ඡන්ද පොළවල සිට කිලෝමීටර් 05ක් 06ක් දුර පයින් ඡන්ද පෙට්ටි රැගෙන ඒමට ද සිදුවන බව ප්‍රකාශ කළා.
ඒ හේතුවෙන් සමස්ත ප්‍රතිඵලය ලබාදීමට ප්‍රමාද විය හැකියි යනුවෙනුත් ඔහු සඳහන් කළා.
ප්‍රතිපල ලබාදීමට ප්‍රමාද වීම තුල ජනතාව අතර විවිධ බොරු ප්‍රචාර පැතිර යා හැකි බවත් එහිදී සියලු මාධ්‍ය වෙත විශාල කාර්‍ය භාරයක් පැවරී ඇති බවත් ජනතාව සන්සුන් වන පරිදි කටයුතු කිරීම ඉතා වැදගත් බව ඔහු වැඩිදුරටත් ප්‍රකාශ කළා
