ලබන නොවැම්බර් 17 වනදා ඉන්දියාවේදී ආරම්භ වන ජාත්‍යන්තර ප්‍රවීණයන්ගේ ලීග් ක්‍රිකට් තරඟාවලියට සහභාගී වන ශ්‍රී ලංකා ක්‍රිකට් කණ්ඩායමේ නායකයා ලෙස හිටපු සුපිරි පිතිකරු කුමාර් සංගක්කාර එක්වනවා.
මෙම තරගාවලියට ශ්‍රී ලංකාව, ඉන්දියාව, ඕස්ට්‍රේලියාව, එංගලන්තය, දකුණු අප්‍රිකාව සහ බටහිර ඉන්දීය කොදෙව් යන රටවල්වලින් හිටපු ප්‍රබල ක්‍රීඩකයන්ගෙන් සමන්විත කණ්ඩායම් සහභාගී වීමට නියමිතයි.
ෂේන් වොට්සන් (ඕස්ට්‍රේලියාව), ජැක් කලින් (දකුණු අප්‍රිකාව), බ්‍රයන් ලාරා (බටහිර ඉන්දීය කොදෙව්) , සචින් ටෙන්ඩුල්කාර් (ඉන්දියාව) සහ ඉයන් මෝගන් (එංගලන්තය) සෙසු කණ්ඩායම්වල නායකයා ලෙස කටයුතු කරනවා.
මෙම තරඟාවලිය නොවැම්බර් මස 14 වැනිදා සිට දෙසැම්බර් මස 08 වැනිදා දක්වා පැවැත්වීමට සැලසුම් කර තිබෙනවා.
