ජනාධිපති වටා සිටින ඇතැමුන් තමන් ආචාර්ය මහාචාර්ය යැයි විහිළු කතා කියමින් ඇතැයි හිටපු නි. අමාත්‍ය, ආචාර්ය මර්වින් සිල්වා පවසනවා.
හිටපු අමාත්‍යවරයා පෙන්වා දෙන්නේ වැදගත්කම ඇත්තේ උපාධියේ නොව බුද්ධියේ බවයි.
කෙතරම් උගතකු වුව ද ප්‍රායෝගික නැත්නම් වැඩක් නොමැති බව ද ඔහු අවධාරණය කරනවා.
වෛද්‍යවරයෙකු නම් රාජ්‍ය හෝ පෞද්ගලික අංශයේ සේවය කොට තිබිය යුතු බවත් විදෙස් රටක නම් එම වෘත්තියේ නොයෙදෙන විට අවුරුදු 5කට පසු දොස්තරකම අහෝසි වන බව ද මර්වින් සිල්වා ප්‍රකාශ කරනවා.
ආචාර්ය මහාචාර්ය යනුවෙන් විශාල පිරිසක් සිටියත් කම්මලක යකඩ තලන ආචාරියෙකුට ඇති දැනුම ද නොමැති බවත් මේ විදිහට ගියහොත් වෙහෙර මහා දේවි කල මෙන් විශාල ශාපයක් බවට පත්ව මුහුද ගොඩ ගලනු ඇති බවත් ඔහු සඳහන් කරනවා.
මහනුවර ශ්‍රී දළදා මාළිගාව වැඳ පුදා ගැනීමෙන් අනතුරුව මාධ්‍ය වෙත අදහස් දක්වමින් ආචාර්ය මර්වින් සිල්වා මේ බව සඳහන් කළා.
