ශ්‍රී ලංකාවේ ක්‍රීඩා අමාත්‍යාංශයට අනුයුක්තව සිටින වත්මන් ක්‍රීඩා අධ්‍යක්ෂ ජනරාල් ෂෙමාල් ප්‍රනාන්දු, 2025 ජනවාරි 21 දිනට නියමිත ශ්‍රී ලංකා රග්බි වාර්ෂික මහා සභා රැස්වීම (AGM) සහ මැතිවරණය කල් දැමීමට අදාළව අත්සන් කළ ලිපියේ “ආචාර්ය” යන නාමය ඉවත් කිරීම නිසා, ආචාර්ය උපාධි සම්බන්ධ ගැටලුව නැවතත් කරලියට පැමිණි තිබෙනවා.
ආචාර්ය උපාධි පිළිබඳව වඩාත්ම කතා බහට ලක්වූයේ 2025 මහා මැතිවරණ සදහා නාමයෝජනා සකස් කළ පාර්ලිමේන්තු කථානායක අශෝක රණවලගේ “ආචාර්ය” නාමය භාවිතය සම්බන්ධයෙනුයි. ව්‍යාජ ආචාර්ය උපාධි භාවිතය පිළිබඳව විශාල මහජන විවේචන සහ විරෝධතා හේතුවෙන්, රණවලට අවසානයේ කථානායක ධුරයෙන් ඉල්ලා අස්වීමට සිදුවුණා.
කෙසේවතත් ආචාර්ය උපාධි සම්බන්ධව නැවතවරක් කතාබහට ලක්වන්නේ හිටපු ශ්‍රී ලංකා මෝටර් රථ ක්‍රීඩා සංගම් භාණ්ඩාගාරික උපුල්වන් සේරසිංහ, ෂෙමාල් ප්‍රනාන්දුගේ “ආචාර්ය” උපාධිය සත්‍යද? යන්න සොයා ගැනීම සඳහා තොරතුරු දැනගැනීමේ අයිතිවාසිකම් (RTI) පනත යටතේ ඉල්ලීම් ගොනු කිරීමත් සමගයි. සේරසිංහ මහතා, ප්‍රනාන්දුගේ විද්‍යාත්මක හා අධ්‍යාපනික සුදුසුකම් පිළිබඳ තොරතුරුවල සත්‍යතාවය සෙවීමට උත්සාහ ගනිමින් සිටින අතර, රාජ්‍ය නිලධාරීන්ගේ අධ්‍යාපන සහතික අනිසි භාවිතය පිළිබඳ විවාදය බොහෝ සෙයින් කතාබහට ලක්වනවා.
ෂෙමාල් ප්‍රනාන්දුගේ “ආචාර්ය” නාමය මෙම ලිපියෙන් ඉවත් කළේ ඇයිද යන්න එලෙස ඉවත් කිරීමේ අරමුණ කුමක්ද යන්න තවමත් අපහැදිලිය. ඔහුගේ නිල තොරතුරු පිළිබඳව ක්‍රීඩා අමාත්‍යාංශයේ වෙබ් අඩවිය සොයා බැලීමේදී, ඔහුගේ තොරතුරු පිළිබඳව කිසිදු සඳහනක් ද සොයා ගත නොහැකි විය.
කෙසේවෙතත් මෙම තත්ත්වය නිසා, රාජ්‍ය නිලධාරීන්ගේ සත්‍යභාවය සහ වගවීම පිළිබඳ විශාල ලෙස අප්‍රසාදයට ලක්ව තිබෙනවා.
