ඇමරිකාවේ ජනාධිපති ඩොනල්ඩ් ට්‍රම්ප්, පිරිමි සහ ගැහැණු ලෙස පවතින ලිංගික තත්ත්වයන්ට පමණක් පිළිගන්නා නව නීතියක් සඳුදා නිකුත් කර තිබෙනවා. එම නීතියට අනුව, රජයේ ලේඛන, පස්පෝට්, වීසා වැනි හැඳුනුම්පත් මූලික වශයෙන් පුද්ගලයකුගේ “ජීවවිද්‍යාත්මක ලිංගය” මත පදනම්ව නිකුත් කළ යුතුයි.
ට්‍රම්ප්, මීට පෙර ජෝ බයිඩන්ගේ ආණ්ඩුවේදී ක්‍රියාත්මක වූ විවිධත්වය, සමානතාවය සහ LGBTQ+ අයිතිවාසිකම් ආරක්ෂා කිරීමේ නීති අහෝසි කර තිබෙනවා. මෙයින්, ජාතික, ලිංගික සහ සංස්කෘතික විවිධත්වයට ගෞරව කිරීමට ගත් පියවර රැසක් ඉවත් වී තිබෙනවා.
ට්‍රම්ප් පවසන්නේ, “අපි වර්ණ, ජාතික හැඳුනුම් හෝ ලිංගිකත්වය නොසලකා, සියලුම මිනිසුන්ට සමාන අවස්ථා ලබා දිය යුතුය,” යන්නයි. ඔහු නව නීති හරහා පසුගිය ආණ්ඩුවේ සංවිධානාත්මක විවිධත්ව ප්‍රතිපත්ති නවතා දැමීමට කටයුතු කරනවා.
කෙසේවෙතත් ට්‍රම්ප්ගේ මෙම තීරණය සමාජ සාමය, මානව අයිතිවාසිකම් සහ LGBTQ+ අයිතිවාසිකම් ආරක්ෂා කරන ආයතන හා කණ්ඩායම් දැඩි විරෝධය දැක්වීමට හේතු වී තිබෙනවා.
එම සංවිධාන පවසා සිටියේ “අප කිසිසේත්ම පසුබසන්නේ නැත. අපගේ අයිතිවාසිකම් සඳහා සටන් කරමින් අපි ඉදිරියට ගමන් කරන්නෙමු” යනුවෙනි
