පොලිස් අත්අඩංගුවේ සිටියදී මියගිය නිමේෂ් සත්සර තරුණයා වෙනුවෙන් යුක්තිය ඉටුකරන ලෙස ඉල්ලා ඊයේ(6) වැලිකඩ පොලිස් ස්ථානය ඉදිරිපිට ඇතුළු ශ්‍රී ලංකාවේ විවිධ ප්‍රදේශවල විරෝධතා පැවැත්වුණා.
අප්‍රේල් 1 වැනි දින සිදු වූ බව කියන සිද්ධියක් සම්බන්ධයෙන් පැමිණිල්ලක් මත නිමේෂ් අත්අඩංගුවට ගෙන පොලිස් අත්අඩංගුවේ සිටියදී රෝහලට ඇතුළත් කිරීමෙන් පසු මිය ගියා.
අත්අඩංගුවට ගැනීමෙන් පසු තරුණයා තමාටම සිදුකර ගත් තුවාල හේතුවෙන් මිය ගිය බව පොලිසිය සඳහන් කළා.
මේ අතර වැලිකඩ පොලිස් ස්ථානාධිපතිවරයා වහාම ස්ථාන මාරුකිරීමට වැඩබලන පොලිස්පතිවරයා ජාතික පොලිස් කොමිෂන් සභාවෙන් අනුමැතිය ඉල්ලා තිබෙනවා.
