*රාජ්‍ය සේවකයින්ගේ මාසිකව රු 25,000ක්
*නිවසේ සිට රාජකාරී කිරීමට අවසර
*දිළිඳු පවුල්වලට උපරිම 15,000ක් දක්වා දීමනා
- සෑම පුරවැසියෙකුටම ඉඩමක හෝ නිවසක අයිතිය
- මධ්‍යම පාන්තිකයින්ට සහනදායි නිවාස ණය
- පාසල් දරුවන්ට දිනපතා නොමිලේ නැවුම් කිරි වීදුරුවක්
- නව ක්‍රීඩා නීතියක්
- විධායක ජනාධිපති ධුරයට කරන වෙනස
ස්වාධීන ජනාධිපති ධුර අපේක්ෂක රනිල් වික්‍රමසිංහ මහතාගේ ජනපතිවරණ ප්‍රතිපත්ති ප්‍රකාශය ‘පුළුවන් සම්මුතිය’ අද (29) එළිදැක්වුණා.
‘රනිල් සමග රට දිනවන වසර පහක්’ යන්න එහි තේමාවයි.
ජීවන බර අඩුකිරීම, රැකියා ලබාදීම, බදු සහන, අපනයන ආර්ථිකයකට පරිවර්ථනය ඇතුළු යෝජනා රැසක් ඊට ඇතුළත් ඇතුළත් කර තිබෙනවා.
මෙම ප්‍රතිපත්ති ප්‍රකාශය මූලික ඉලක්ක පහක් මත පදනම් වී තිබෙනවා.
එම ප්‍රතිපත්ති ප්‍රකාශය https://www.ranil2024.lk යන වෙබ් අඩවිය හරහා ජනාධිපතිවරයා එළිදක්වනු ලැබුවා.
පස් අවුරුදු සැලැස්මේ විශේෂයෙන් අවධානයට යොමුකර ඇති කරුණු කිහිපයකි.
බදු බරට සහනයක්
- බදු ක්‍රමවේදයට වෙනස්කම්.
- වෘත්තීය නිපුණයන්ට බද්දෙන් නිදහස් සේවා දිරි දීමනාවක්.
- අතුරු බදු අහෝසි කිරීමට පියවර.
මින් ඉදිරියට සිදුවන වෙනස්කම්
- රාජ්‍ය ගෙවීම්වල හිඟ මුදල් මාස තුනකට වඩා වැඩි කාලයක් රඳවාගෙන සිටීමට අවසර නැත.
- අයවැය හිඟය පියවීම සදහා මහ බැංකුව මඟින් මුදල් අච්චු ගැසීම සපුරා තහනම්.
- විදුලි සහ ඉන්ධන මිල, ඒ සඳහා වැය වන මුදල පදනම් කරගෙන තීරණය කළ යුතුයි. විදුලිබල මණ්ඩලය සහ ඛනිජ තෙල් නීතිගත සංස්ථාව පාඩු ලබන්නේ නම්, වහාම හා ඍජුවම මහා භාණ්ඩාගාරය විසින් ඒ සඳහා මුදල් ලබාදිය යුතුයි.
- සමාජ ආරක්ෂණය සඳහා වැය කරන මුදල නියමිත ප්‍රමාණයට වඩා අඩු නොකළ යුතුයි.
අගහිඟකම් නැති පරපුරක්
- උවදුරුවලින් පීඩා විඳින අගහිඟකම් ඇති ජනගහනය 10% දක්වා අඩුකර සමාජ ආරක්ෂණ ජාතික ප්‍රතිපත්තියක් සකස් කිරීම.
- ජීවනාධාර අවශ්‍ය පවුල් ලක්ෂ 24කට ප්‍රතිලාභ.
- දිළිඳු පවුල්වලට උපරිම 15,000ක් දක්වා දීමනා ලබාදෙන අතර එම පවුල්වල වකුගඩු, ආබාධ සහිත අයට සහ වැඩිහිටියන්ට වෙනම දීමනාවක්
ලස්සන 2048 කට
- මහ බැංකු පනත, රාජ්‍ය මුල්‍ය කළමනාකරණ පනත, රාජ්‍ය ණය කළමනාකරණ පනත සහ ආර්ථික පරිවර්ථන පනත මඟින් නව රැකියා නිර්මාණය කිරීම.
- හැම පුරවැසියෙකුටම ඉඩමක හෝ නිවසක අයිතිය.
- ජාතික ධනසම්පත අරමුදල ස්ථාපනය.
- සමූපකාර ව්‍යාපාරය ප්‍රතිව්‍යුහගතකරණය.
දේපොළ හිමිකම
- වසර 4ක් තුළ කොළඹ නගරයේ රජය සතු අඩු ආදායම් නිවාසවල අයිතිය නිවැසියන්ට.
- මධ්‍යම පාන්තිකයින්ට සහනදායි නිවාස ණය.
දේශගුණයේ ගුණ අගුණ
- දේශගුණික කාර්යයන් පිළිබඳ මහ ලේකම් කාර්යාලයක්.
- දේශගුණ විපර්යාස අරමුදලක්.
නවීන කෘෂි සංස්කෘතියක්
- වී ගොවිතැනට අවශ්‍ය පොහොර හෝ වෙනත් අවශ්‍යතා සඳහා රුපියල් 25,000ක සහනාධාරයක් ඍජුවම වී ගොවීන්ගේ බැංකු ගිණුම් වෙත.
- කන්නයෙන් කන්නයට වී වලට සහතික මිලක්.
මහ සයුරේ රළ පතරේ
- කුඩා ධීවර යාත්‍රාවන්ගේ සිට බහුදින ධීවර යාත්‍රා දක්වා මිලදී ගැනීම සඳහා සහන ක්‍රමයක්.
- ධීවර කර්මාන්තය වෙනුවෙන් ඍජු විදේශ ආයෝජන දිරිමත් කිරීම.
කිරි නැති හින්දා රට කිරි දීලා
- පශු සම්පත් මණ්ඩලය සමග ඉන්දියානු තාක්ෂණය හා දේශීය විදේශීය ආයෝජකයින් සම්බන්ධ කරමින් කිරි අස්වැන්න ඉහළ නංවීමට දැවැන්ත වැඩපිළිවෙලක්.
- පාසල් දරුවන්ට නොමිලේ නැවුම් කිරි වීදුරුවක් දිනපතා.
- උසස් ජානමය කිරි හරක් 20,000ක් දේශීය කිරි ගොවීන්ට.
- දේශීය කිරි ගොවීන් වෙනුවෙන් සහන ණය.
යන්න රට වටේ
- සංචාරක ව්‍යාපාරය කඳුකරයට ව්‍යාප්ත කිරීම.
- අනුරාධපුරය සංස්කෘතික උරුමයේ නගරයක් බවට පත්කිරීම.
- නව සංචාරක කලාප තුනක්.
අපේ නිෂ්පාදන ජාත්‍යන්තරයට
- ජාත්‍යන්තර වෙළෙඳ කටයුතු ප්‍රවර්ධනය සඳහා ජාත්‍යන්තර වෙළෙඳාම පිළිබඳ කාර්යාලයක්.
- බලශක්ති, ප්‍රවාහන, වරාය, නාවික, ගුවන්, කර්මාන්ත ආදි අංශයන්ගෙන් සන්නද්ධ ප්‍රධාන ආර්ථික මධ්‍යස්ථානයක් බවට ත්‍රිකුණාමලය පත්කිරීම.
- සුළු හා මධ්‍ය පරිමාණ ව්‍යවසායකයන් වෙනුවෙන් එන්ටර්ප්‍රයිස් ශ්‍රී ලංකා නමින් නව ආයතනයක්.
- කාබන් බද්දක් හඳුන්වා දීම.
බලශක්තිය
- හරිත හයිඩ්‍රජන් ඇතුළු පුනර්ජනනීය බලශක්ති නිෂ්පාදනයට ආයෝජන දිරිමත් කිරීම.
- ත්‍රිකුණාමලය බලශක්ති කේන්ද්‍රස්ථානයක් බවට.
ඩිජිටල් මාවත
- ඩිජිටල් පරිවර්ථනයක් උදෙසා තාක්ෂණ ප්‍රවර්ධන පනතක්.
- ඩිජිටල් පරිවර්ථන ඒජන්සියක් සහ තාක්ෂණ සහ නවෝත්පාදන සභාවක්.
- පූර්ණ ඊ රාජ්‍ය සේවයක්.
දැනුමෙන් සන්නද්ධ සමාජයක්
- සියලු වෘත්තීය පුහුණු පාසල් සහ මධ්‍යස්ථාන සඳහා “වොකේෂනල් ස්කිල්ස් ශ්‍රී ලංකා” නව ආයතනය පිහිටුවීම.
- පශ්චාත් පාසල් අධ්‍යාපන කොමිසම පිහිටුවීම.
- 2026 අවසානයට පෙර පළාත් වෘත්තීය අධ්‍යාපන මණ්ඩල 9ක්.
- තාක්ෂණ හා කළමනාකරණ විශ්වවිද්‍යාල විද්‍යායතනයක් සෑම පළාතකටම.
- 2029 වනවිට දේශගුණික විපර්යාස ජාත්‍යන්තර විශ්වවිද්‍යාලය හා කෘෂිකර්ම තාක්ෂණ විශ්වවිද්‍යාලය පිහිටු වීම.
අයන්න කියන්න ලොවටම ඇහෙන්න
- සියලු ගුරුවරුන්ට අලුත් දැනුම.
- සියලු පාසල් දරුවන්ට ඉංග්‍රීසි අධ්‍යාපනය හා ඉංග්‍රීසි ගුරුවරු 2500ක් අලුතින් බඳවා ගැනීම.
ආරෝග්‍ය පරමා ලාභා
- වෛද්‍යවරුන් ප්‍රමුඛ සෞඛ්‍ය කාර්ය මණ්ඩල උදෙසා දේශීය හා විදේශීය පුහුණුවීම්.
- වෛද්‍යවරුන්ට විදේශීය පශ්චාත් උපාධි ලබාගැනීමේ පහසුකම්.
- කොළඹ ජාතික රෝහල දකුණු ආසියාවේ ප්‍රධානතම රෝහලක් බවට පත්කිරීම.
- සුහුරු සෞඛ්‍ය සේවයක් බිහිකරනවා.
- පෞද්ගලික රෝහල් නියාමනයට නීති හා පළාත් 9ට පෞද්ගලික රෝහල් ඇති කිරීම.
නිම් වළල්ලෙන් එහා ලෝකයට
- 2026 වනවිට පලාලි ජාත්‍යන්තර ගුවන්තොටුපොළ පුළුල් කිරීම.
- හිඟුරක්ගොඩ ජාත්‍යන්තර ගුවන්තොටුපොළේ වැඩ ආරම්භ කිරීම.
- කොළඹ හා ත්‍රිකුණාමලය වරාය සංවර්ධනය.
පුරවර අසිරිය
- කළුතර සිට මීගමුව දක්වා තනි මහපුරවරයක් ලෙස සංවර්ධනය කිරීම.
ගමන බිමන
- ඩිජිටල් තාක්ෂණයෙන් වාහන හැසිරවීම සිට රියදුරු බලපත්‍ර ලබාදීම.
- මහනුවර අධිවේගී මාර්ගයේ වැඩ ඉදිරියට.
උතුරට යතුරක්
*යාපනයට ගංගාවක් ව්‍යාපෘතිය හා පාලිආරු ගංගාව හරස් කොට නව ජලාශයක්.
*පූනරින් නව නගරය පුනර්ජනනීය බලශක්ති කේන්ද්‍රස්ථානය බවට.
- යාපනයේ සාහිත්‍ය උළෙලක් පැවැත්වීම.
නැගෙනහිර නවෝදාව
*ත්‍රිකුණාමලය සන්නද්ධ ප්‍රධාන ආර්ථික මධ්‍යස්ථානයක් බවට.
වතුකරයට හිරු පායයි
- වතු සේවක ජනතාවට නව ගම්මාන.
- ලයින් කාමරවල වෙසෙන අයට ඉඩමක්.
ගෞරවනීය කාන්තාව
- කාන්තාවන් සවිබල ගැන්වීමේ පනත සම්මත කිරීම.
- කාන්තා මුලික පවුල් සඳහා රුපියල් ලක්ෂ 10ක උපරිමයකට යටත්ව 3%ක පොලිය යටතේ සහන ණය.
දැයට පිපෙන මල්
- ළමා නිවාස, පෙර පාසල්, අතිරේක පන්ති, ක්‍රීඩා පුහුණු ආයතන සහ දිවා සුරැකුම් මධ්‍යස්ථාන නියාමනය.
යොවුන් වසන්තයේ
- ජාතික තරුණ මානසික සෞඛ්‍ය ප්‍රවර්ධනය.
- නව පරපුරේ කතිකාව ඇති කරමින් නව අදහස් රාජ්‍ය පාලනයට.
ක්‍රීඩාවට ජවයක්
- නව ක්‍රීඩා නීතියක්.
- ශ්‍රී ලංකා ක්‍රිකට් ආයතනය ප්‍රතිව්‍යුහගතකරණයට ලක්කිරීම.
- ක්‍රීඩා පුහුණු ආයතනයක්.
- දියගම මහින්ද රාජපක්ෂ ක්‍රිඩාංගණය ජාත්‍යන්තර ක්‍රීඩා පුහුණු මධ්‍යස්ථානයක් කිරීම.
රාජ්‍ය සේවය
2025 පාදක වසර ලෙස සලකා සියලුම රාජ්‍ය සේවකයින්ට ජීවන වියදම් දීමනාව මාසිකව රු 25,000ක් ගෙවීමට ජනාධිපති රනිල් වික්‍රමසිංහ මහතා සිය ප්‍රතිපත්ති ප්‍රකාශයේ සඳහන් කර තිබෙනවා.
එහි තවදුරටත් දක්වා ඇත්තේ රාජ්‍ය සේවයේ අවම ආරම්භක වැටුප 24%ක අවම ප්‍රතිශතයකින් වැඩිකර ජීවන වියදම් දීමනාව සමග දළ වැටුප රු 55,000ක් ලෙසත් අනිකුත් සියලුම තනතුරු සඳහා මුලික වැටුප ඒ අනුව ගලපන බව ද ජනාධිපතිවරයා සිය පස් අවුරුදු සැලැස්ම තුළින් එළිදක්වා තිබෙනවා.
*වයස අවුරුදු 40ට අඩු රාජ්‍ය සේවක සේවිකාවන්ට සේවා කාර්යක්ෂමතාව වැඩි දියුණු කරලීමට ඉවහල්වන පාඨමාලා හැදෑරීම සඳහා පඩි සහිත නිවාඩු ලබාදීම.
- රාජ්‍ය ප්‍රතිපත්ති හා පරිපාලන විශ්වවිද්‍යාලයක් ස්ථාපිත කිරීම.
- කුසලතාව මත පදනම් වූ උසස් වීම් ක්‍රමවේදයක්.
- රාජ්‍ය සේවය කාර්යක්ෂම හා විධිමත් තලයකට ඔසවා තැබීමට ලැප්ටොප්, ටැබ්, ස්මාර්ට් දුරකථන රාජ්‍ය සේවකයින්ට සහන පදනමින් ලබාදීම.
- රජයේ නව නිවාස වැඩ පිළිවෙලේ දී නිවාස හිමිකම් නොමැති රාජ්‍ය සේවකයින්ට ප්‍රමුඛතාවය ලබාදීම.
- ආපදා ණය මුදල ඉහළ නැංවීම, දේපළ හා නිවාස ණය යළි ලබාදීම.
- නිවසේ සිට රාජකාරී ඉටු කළ හැකි සේවාවවන් නිවසේ සිට ඉටු කිරීමට අවසර.
- නිශ්චිත හා විධිමත් ස්ථාන මාරු ක්‍රමයක් හඳුන්වා දීම.
- විශ්‍රාමිකයින්ගේ වැටුප් විෂමතා ඉවත් කිරීම.
ජ්‍යෙෂ්ඨ පුරවැසියන්
- නවීන පහසුකම්වලින් යුතු ජ්‍යෙෂ්ඨ පුරවැසි රැකවරණ මධ්‍යස්ථාන රට පුරා ඉදි කිරීම.
- ජ්‍යෙෂ්ඨ පුරවැසියන් උදෙසා ජාතික ප්‍රතිපත්තිය 2025 වසරේ සංශෝධනය කිරීම.
- ජ්‍යෙෂ්ඨ පුරවැසියන්ගේ සමාජ, සංස්කෘතික ජීවිතය පෝෂණය කිරීම සඳහා ප්‍රාදේශීය ලේකම් කාර්යාල සහ ප්‍රජා මණ්ඩල මඟින් විවිධ ක්‍රියාකාරකම් සංවිධානය කිරීම.
විශේෂ අවශ්‍යතා සහිත ප්‍රජාව
- ආබාධ සහිත තැනැත්තන් පිළිබඳ එක්සත් ජාතීන්ගේ සම්මුතියේ 4 වැනි ව්‍යවස්ථාව අනුව එවැනි තැනැත්තන්ගේ සියලු මානව අයිතිවාසිකම් හා මුලික නිදහස පූර්ණ වශයෙන් සහතික කිරීම සඳහා නව පනතක් 2025 දී පාර්ලිමේන්තුවට.
- සංඥා භාෂා පනත් කෙටුම්පත සම්මත කර ගැනීමටත්, විශේෂ අවශ්‍යතා ඇති තැනැත්තන් සඳහා ජාතික ප්‍රතිපත්තියක් සැකසීම.
- ඔවුන් සඳහා වූ ගොඩනැගිලි ප්‍රවේශ ප්‍රතිපත්තිය කාලානුරූපීව සංශෝධනය.
- විශේෂ රැකියා කෝටාවක්.
අලුත් රස්සා ලක්ෂයක්
- 2025 වසර තුළ රැකියා 100,000ක් ලබාදීම.
- සාමාන්‍ය පෙළ සහ උසස් පෙළින් ඔබ්බට අධ්‍යාපනය ලබන්න අවසර නොලැබෙන තරුණ තරුණියන් වෙනුවෙන් සංචාරක, නිෂ්පාදන කර්මාන්ත ආදි පුද්ගලික අංශය හා එක්ව නව වැඩපිළිවෙලක් 2025 වසරේ ආරම්භ කිරීම.
- එම තරුණයින්ට ඒ ආයතනවල වෘත්තීය පුහුණුව ලබාදෙන අතර පුරා වසරක් පුරා ඔවුන්ට රජයෙන් රුපියල් 35,000ක දීමනාවක්.
- පුද්ගලික අංශයේ කැමැත්ත පරිදි ඔවුන්ට තවත් මුදලක් එක් කිරීම හෝ පුහුණුවෙන් පසු ඔවුන්ට ඒ ඒ සමාගම්වල රැකියා අවස්ථා හිමිකර දීම.
රට රස්සා
- විදෙස් ශ්‍රමිකයින්ට නිවාස යෝජනා ක්‍රම, දිවා සුරැකුම් මධ්‍යස්ථාන, තීරු බදු සහන ආදි පහසුකම්.
- විදේශ වෙළෙඳපොළ පිළිබඳ තොරතුරු මධ්‍යස්ථානයක්.
- විදේශයන්හි වැඩිහිටියන් රැකබලා ගැනීම, දාරක සුරැකුම් සේවාන්හි රැකියා අවස්ථා.
පොලිස් පුනරුදය
- පොලිස් නිලධාරීන්ගේ ආයතනික මෙන්ම පරිබාහිර විෂය දැනුම හා කුසලතා වැඩිදියුණු කිරීමේ අරමුණින් පොලිස් විශ්වවිද්‍යාලයක් ස්ථාපිත කිරීම.
සිරකරුවෝද මනුෂ්‍යයෝය
- විවිධාකාරයේ දඬුවම් ලබන රැඳවියන්, සිරකරුවන් රිමාන්ඩ් හා දිගු කාලීන බන්ධනාගාරගත කිරීම යළි විමසීමකට භාජනය කිරීම.
අනීතික මත්ද්‍රව්‍ය දුරැලීම
- මත්ද්‍රව්‍ය මැඩලීමෙහි සිට මත්ලෝලීන් පුනරුත්ථාපනය දක්වා සියලු කාර්යයන් ආවරණය වන පරිදි පුළුල් බලතල සහිත මත්ද්‍රව්‍ය මැඩලීමේ අණදෙන මුලස්ථානයක් ස්ථාපිත කිරීමට නව පනතක් කෙටුම්පත් කිරීම.
සංස්කෘතික පුරවැසියෙක්
- මහනුවර ආශ්‍රිත බෞද්ධ ශිෂ්ටචාරය පිළිබඳ ඩිජිටල් කෞතුකාගාරයක් බිහි කිරීම.
- ත්‍රිපිටක අධ්‍යයනය සඳහා කෘත්‍රීම බුද්ධිය, නව තාක්ෂණික දැනුම ඇසුරින් පහසුකම් ඇති කිරීම හා මහා විහාර විශ්වවිද්‍යාලය ආරම්භ කිරීම.
- දක්ෂිණ කෛලාශ කෝවිල් වන්දනාව හඳුන්වා දීම.
ලලිත කලා
- දේශීය කලාකරුවන්ගේ කුසලතා ඔපවත් කිරීමට, කලා හා සංස්කෘතික කේෂ්ත්‍රයේ ජාත්‍යන්තර ප්‍රවණතා උකහා ගැනීමටත් අවශ්‍ය පසුබිම සකසා දීමට ආනන්ද කුමාරස්වාමි ජාත්‍යන්තර කලා හා සංස්කෘතික කේන්ද්‍රස්ථානය නම් කිරීම.
- දකුණු ආසියානු සංස්කෘතික කේන්ද්‍රයක් පිහිටුවීම.
- ජාතික චිත්‍රපට සංස්ථාව වර්තමාන ජාත්‍යන්තර ප්‍රවණතාවයන්ට සරිලන සේ චිත්‍රපට සංවර්ධන කොමිෂන් සභාවක් බවට පත්කර ෆිල්ම් ශ්‍රී ලංකා යනුවෙන් නම් කිරීම.
- වාරණ මණ්ඩලය අහෝසි කර ප්‍රසිද්ධ රැගුම් වර්ගීකරණ මණ්ඩලයක් ස්ථාපිත කිරීමට පනත සම්මත කිරීම.
යහපත් මාධ්‍ය පරිසරයක්
- ජනමාධ්‍යවේදය උදෙසා උසස් අධ්‍යාපන ආයතනයක් පිහිටුවීම.
- විද්‍යුත් මාධ්‍ය නියාමන කොමිෂන් සභාවක් පිහිටුවීම.
අනිවාර්යයෙන් කළ යුතු සංශෝධන
- ජනාධිපතිවරණයෙන් පසුව එළැඹෙන පාර්ලිමේන්තු මැතිවරණයෙන් වසරක් ඇතුළත නව ව්‍යවස්ථාවක් සම්පාදනය කිරීමේ වගකීම පාර්ලිමෙන්තුවට ලබාදීම.
- විධායක ජනාධිපති ධුරය අහෝසි කරන්නේ ද ? නැද්ද ? යන තීරණය නව පාර්ලිමේන්තුවට පැවරීම.
- නව මැතිවරණ ක්‍රමයක් හඳුන්වාදීමේ කාර්යයද නව පාර්ලිමේන්තුවට ලබාදීම.
*පුරවැසි ඡන්දයෙන් තේරීපත්වන නියෝජිතයින්ට රජය සමග ව්‍යාපාර කරලීම අහුරන නීති සම්මත කිරීම.
- දෙවැනි මන්ත්‍රණ සභාවක් ස්ථාපිත කිරීම.
පුරවැසියා බලගැන්වීම
- ඍජුවම ජනතා හඬට සවන්දීමේ අභිලාෂය ඇතිව සමාජ කොන් කිරීම් සහ බැහැරකිරීම් වැළැක්වීම උදෙසා ස්ථාපිත කෙරෙන සමාජ සාධාරණ කොමිසමස් ස්ථාපිත කිරීම.
*ප්‍රාදේශීය ග්‍රාමීය ජනතාව සංවර්ධන තීරණ ගැනීමේ ක්‍රියාවලියට සක්‍රීයව දායක කරගැනීම ජන සභාවන්හි අරමුණයි. දැනට නියමු ව්‍යාපෘති ගණනාවක් ක්‍රියාත්මකයි. ඒවායේ අත්දැකිම් පදනම් කරගනිමින් රට පුරා ග්‍රාමසේවා වසම් 14,002ක ඇති 50,000 ඉක්මවන ගම්මාන සියල්ල නියෝජනය වන පරිදි ජන සභා පිහිටුවීම.
