ශ්‍රී ලංකා ජාතික ඔලිම්පික් කමිටුව, විධායක කමිටු සාමාජිකයින් දූෂිත කරයි
ශ්‍රී ලංකාවේ ක්‍රීඩා ක්ෂේත්‍රය දූෂිත ක්‍රියාවන්ගෙන් පිරී තිබෙන බව නොරහසක්. මේ දූෂණයට එරෙහිව යුක්තිය ඉටු වන්නේද ඉතාමත් කලාතුරකින්. ඒ වගේම රජයේ ඉහළ නිළධාරීන්ගේ අල්ලස් හා බලපෑම් හේතුවෙන් විමර්ෂණ පවා ඇන හිට තිබෙනවා. මෙම දූෂිත ක්‍රියාවන් නිසා ඔලිම්පික් අපේක්ෂාවන්ට පවා දැඩි ලෙස බාධා එල්ල වී තිබෙනවා.
ඔලිම්පික් ඉසව්වලට සමගාමීව ක්‍රීඩා සංගම් 32කට වඩා තිබුණත් ශ්‍රී ලංකාව ඔලිම්පික් තරඟවලට ක්‍රීඩක ක්‍රීඩිකාවන් ඉදිරිපත් කිරීමට දැඩි අරගලයක නිරතව සිටිනවා. තරඟකාරී බලවේගයක් ලෙස නැගී සිටිනවාට වඩා ක්‍රීඩක ක්‍රීඩිකාවන් අතලොස්සක් පමණක් ඔලිම්පික් ක්‍රීඩා උළෙලට යැවීමට අපේ රටේ ක්‍රීඩා ලොක්කන් සමත් වන්නේ ශ්‍රී ලංකාවේ ක්‍රීඩාව කොතරම් දූෂණය වී ඇත්දැයි අවධාරණය කරමින්.
මෙම අඳුරු තත්ත්වය පදනම් වන්නේ පරීක්ෂණ කඩිනම් කිරීමට භාර දී ඇති නිලධාරීන් දිගින් දිගටම නඩු ප්‍රමාද කරමින්, පෞද්ගලික වාසි තකා දෙපැත්තටම සෙල්ලම් කිරීම වටා ය. නීතිපති කාර්යාලයට නඩු ඉදිරිපත් කරනවා වෙනුවට, ඔවුන් බොහෝ විට වගඋත්තරකරුට වාසි වන පරිදි අනවශ්‍ය කාර්ය පටිපාටි මගින් ප්‍රමාදයන් ඇති කරනවා. මෙම හැසිරීම නිසා දූෂිත විමර්ශන නිලධාරීන්ට පුද්ගලික වාසි ගොඩගසා ගනිමින් වගකීමෙන් වැළකී සිටීමට ද හැකියාව ලැබෙනවා.
ශ්‍රී ලංකා ජාතික ඔලිම්පික් කමිටුවේ වත්මන් මහලේකම් මැක්ස්වෙල් ද සිල්වාගේ සිද්ධිය, වගවීම පිළිබඳව ඇති අභියෝග පැහැදිලිව පෙන්නුම් කරනවා
වසර ගණනාවක් තිස්සේ, ඔහු වංචා සහ මිනිස් ජාවාරම් පිළිබඳ චෝදනාවලට මුහුණ දී ඇති නමුත් නැවත නැවතත් සේවා දිගු කිරීම් ලබා ගනිමින් නඩු කටයුතු ප්‍රමාද කිරීමට සමත් වුණා. ඔහුට යුක්තිය මග හැරීමට හැකි වන පරිදි අදාළ නිලධාරීන්ට විදේශ සංචාර සහ වරප්‍රසාද වැනි අල්ලස් ලබා දී ඇති බව වාර්තා වුණා. NOCSL විධායක සාමාජිකයින් පිරිසක් මැක්ස්වෙල්ට පක්ෂව ප්‍රතිඵල හසුරුවන බව පැවසෙන අතර පුද්ගලයන් පිළිබඳ විමසීම් තුළින් අපක්ෂපාතී ක්‍රියා පටිපාටි අනුගමනය කරනවා වෙනුවට ඔහුගේ නියෝගයන් මත සියලු දේ හසුරුවනු ලබනවා.
කණගාටුවට කරුණ නම් රජය විසින් පත්කරන ලද ගෞරවනීය භූමිකාවන් වල පුද්ගලයින් පවා එවැනි වරප්‍රසාද පිළිගෙන අයුක්තිය වෙනුවෙන් පෙනී සිටීමයි. මේ නිසා විමර්ෂණ සිදු කරන ආයතනවල පවා අපක්ෂපාතීත්වය පිළිබඳ සැළකිය යුතු සැකයක් ඇති කරනවා. මෙම නිළධාරීන්ගෙන් බොහෝ දෙනෙකු මැක්ස්වෙල්ගේ අභිමතය ඉටු කිරීමට සැදී පැහැදී ඇති නිසා සමස්ථ ක්‍රියාවලියේ විනිවිදභාවයට හානි කරමින් ප්‍රතිඵල සකස් කරනවා.
යුක්තිය හසුරුවනු ලබන්නේ කවුද?
2016 රියෝ ඔලිම්පික් පරීක්ෂණය තවමත් ඇනහිට ඇත්තේ ශ්‍රී ලංකාවේ ක්‍රීඩා ක්ෂේත්‍රයේ පරීක්ෂණවල ප්‍රමාදයන්ට හොඳම නිදසුනක් ලෙසයි. රියෝ ක්‍රීඩා උළෙලේ අපකීර්ථිය හා සම්බන්ධ මැක්ස්වෙල් ද සිල්වා සහ හේමසිරි ප්‍රනාන්දු යන අය කිසිදු දඬුවමකට පවා මේ වන තෙක් මුහුණ දී නැත. නීතිපති කාර්යාලයේ නඩුව තිබියදීත් එම නඩුව ඇනහිට තිබෙනවා. ශ්‍රී ලංකාවේ ඔලිම්පික් ක්‍රීඩාවේ කීර්තිය සම්බන්ධව සෘජුව එල්ල වී ඇති මෙම නඩුව, දූෂණයට එරෙහිව තීරණාත්මක ලෙස ක්‍රියා කිරීමට බලයේ සිටින්නන් අසමත් වී තිබෙනවා.
මේ අතර, මැක්ස්වෙල් ද සිල්වා දශකයකට වැඩි කාලයක් තිස්සේ සිදුවන විමර්ශනයන් සාර්ථක ලෙස මගහැර ඇති අතර, ඔහුට එරෙහි චෝදනා හුදෙක් “චෝදනා” බවට ප්‍රකාශ කිරීමෙන් බේරී තිබෙනවා. සාක්ෂි තිබියදීත්, ඔහු විධිමත් පරීක්ෂණ මගහරින අතර ඒවා දින නියමයක් නොමැතිව කල් යනවා.
දැන් අවසානයේ NOCSL පත්කළ ආචාර ධර්ම කමිටුව උපදෙස් දී ඇත්තේ විමර්ශන කටයුතු කරගෙන යාමට ඉඩ සැලසීම සඳහා මැක්ස්වෙල් ද සිල්වාගේ වැඩ තහනම් කරන ලෙසයි. ඒ, ක්‍රීඩා අමාත්‍යාංශය විසින් බහුවිධ වංචා දූෂණ විමර්ශනය කිරීම සඳහා කමිටුවක් පත් කර NOCSL ආචාර ධර්ම කමිටුව ඔවුන්ගේ නිර්දේශ පදනම් කරගත් පිටු 24ක ලේඛනයක් ලබා දීමෙන් පසුවයි.
මැක්ස්වෙල් ද සිල්වාගේ සමීප සගයන්
NOCSL භාණ්ඩාගාරික ගාමිණී ජයසිංහ සහ සහකාර ලේකම් චන්දන ලියනගේ ශ්‍රී ලංකා ජාතික ඔලිම්පික් කමිටුවේ (NOCSL) මහලේකම් මැක්ස්වෙල් ද සිල්වාගේ ලඟම සඟයන්ය. මූල්‍ය පිළිබද විධිමත් ප්‍රවීණත්වයක් නොතිබුණද, ජයසිංහ භාණ්ඩාගාරික ලෙස ඔහුගේ භූමිකාව පවත්වාගෙන යන අතර, මැක්සවෙල් ද සිල්වාට සහය වුණා. මේ අතර, සැලකිය යුතු වංචා චෝදනා මත මෑතකදී බ්‍රැන්ඩික්ස් වෙතින් නෙරපා හරින ලද හිටපු ගුවන් හමුදා සාමාජිකයෙකු වන ලියනගේද ද සිල්වා සමඟ සමීපව කටයුතු කරනවා. ඔවුන් තිදෙනාම ඔවුන්ගේ NOCSL භූමිකාවන් සඳහා පමණක් කැපවී සිටින නමුත් වෙනත් අවස්ථාවන් වලදී ක්‍රීඩක ක්‍රීඩිකාවන් සඳහා වන අනුග්‍රාහක අරමුදල් වැරදි ලෙස කළමනාකරණය කරමින් සහ සැක සහිත ලෙස එම මුදල් හැසිරවීම පිළිබඳ බරපතල චෝදනාවලට මුහුණ දී සිටිනවා. ජයසිංහ සහ ලියනගේ යන දෙදෙනාම, හිටපු රජයේ සේවකයන් වන අතර, විවිධ චෝදනා එල්ල වී ඇති විෂමාචාර වාර්තා ඇති අතර, ශ්‍රී ලංකා ඔලිම්පික් කමිටුව තුළ ඔවුන්ට බලගතු තනතුරු දැරීමට ඉඩ සලසා දී ඇත්තේ කෙසේද යන්න ප්‍රශ්නයකි. කෙසේවෙතත් මැක්ස්වෙල් ද සිල්වා සහ ජයසිංහ දූෂිත ක්‍රියාවන්ට සම්බන්ධ බවට මූලික අභ්‍යන්තර විමර්ශන වාර්තා වූ අතර, මේ නඩු දැන් CID සහ වංචා කාර්යාංශය දක්වා වර්ධනය වී තිබෙනවා. ඔවුන් තම භූමිකාවන්හි රැඳී සිටිය යුතුද නැතහොත් තවදුරටත් විෂමාචාර වැලැක්වීමට කඩිනම් පියවර ගත යුතුද යන්න පිළිබඳව ප්‍රශ්නකාරී වී තිබෙනවා.
ශිරන්ත පීරිස්, නුලූක කරුණාරත්න, සුරංජිත් ප්‍රේමදාස, කාංචන ජයරත්න, සම්පත් අලහකෝන්, රිෆ්ඩි ෆාමි සහ සරත් හේවාවිතාරණ යන අය නම් දූෂිත ගනුදෙනු හරහා ඉමහත් ප්‍රතිලාභ ලැබූ මෙම කල්ලියේම කොටස්කරුවන් වන අතර ශ්‍රී ලංකා ඔලිම්පික් කමිටු හිටපු සම සාමාජිකයින් වනවා.
හිටපු අමාත්‍ය හරීන් ප්‍රනාන්දු සහ ඔහුගේ නිළධාරීන් පවා මැක්ස්වෙල් ද සිල්වාට උදව් කළා
හිටපු ක්‍රීඩා අමාත්‍ය හරීන් ප්‍රනාන්දු, මේ සම්බන්ධව දැක්වූ ක්‍රියාකලාපය පිළිබඳ කලකිරීම් සහගත වුණා. ඔහු පුළුල් දූෂණ විමර්ශනයක් ආරම්භ කිරීමෙන් පසු 2024 පෙබරවාරි වන විට අවසන් වාර්තාව අත්හිටුවා ඇති බවට පැවසෙනවා. වාර්තා වන පරිදි හරීන් ප්‍රනාන්දුගේ උපදේශක චන්දිමාල් මෙන්ඩිස් ඔලිම්පික් සංචාරයකින් පසුව වාර්තාව වසන් කර තිබෙනවා. අමාත්‍ය හරීන් ප්‍රනාන්දු මහතා පාර්ලිමේන්තුවෙන් ඉවත්වීමෙන් පසුවයි වාර්තාව ශ්‍රී ලංකා ජාතික ඔලිම්පික් කමිටුවට භාර දී ඇත්තේ. මැක්ස්වෙල් ද සිල්වාගේ හැසිරීම සම්බන්ධයෙන් සිදුකෙරෙන පරීක්ෂණ මෙන්ම NOCSL විධායක කමිටුව තුළ ඇතැම් දූෂිත සාමාජිකයන් අතර සැක කටයුතු සම්බන්ධකම් ඇති බව සඳහන් කරමින් ඔහුගේ වැඩ තහනම් කිරීමට NOCSL ආචාර ධර්ම කමිටුව නිර්දේශ කළේ ඉන් පසුවයි.
ශ්‍රී ලංකා ඔලිම්පික් කමිටුව නරක ගෝලීය පූර්වාදර්ශයක් තබයි
ශ්‍රී ලංකා ජාතික ඔලිම්පික් කමිටුවේ ආචාර ධර්ම කමිටුවේ වාර්තාව සහ නිර්දේශ නොසලකා හැරීම ජාත්‍යන්තර ඔලිම්පික් කමිටුවේ සාමාජික රටවල් සහ ගෝලීය ක්‍රීඩා සංගම් තුළ ඇති සමාන කමිටු සදහා හානිකර වූ පූර්වාදර්ශයක් සැපයීමේ අවදානමක් තිබෙනවා. නව ක්‍රීඩා අමාත්‍යවරිය ලෙස කටයුතු කරන අගමැතිනි හරිනි අමරසූරිය මහත්මිය මෙම ඉවත් කිරීම පිළිබඳව බරපතළ සැලකිල්ලක් දැක්විය යුතුයි.
නව රජය යහපාලනය ක්‍රියාත්මක කිරීමට උත්සාහ කරයි
මෙම පරිපාලන ව්‍යාකූලත්වය මධ්‍යයේ, ක්‍රීඩා සංගම් තුළ අඛණ්ඩතාව සහ යහපාලනය ප්‍රතිෂ්ඨාපනය කිරීම NPP රජය මැදිහත් විය යුතුය. ක්‍රීඩා ආයතන තුළ සිදුවන ක්‍රමානුකූල දූෂණය පාලනය නොකළහොත්, ශ්‍රී ලංකා ක්‍රීඩක ක්‍රීඩිකාවන්ට ලෝක වේදිකාවේ ඇති අවස්ථා තවදුරටත් කොල්ලකනු ලබනවා. මෙවැනි පුළුල් සම්පත් සහ දක්ෂතා ඇතිව රට ජාත්‍යන්තර ක්‍රීඩාවලින් දස්කම් දැක්විය යුතුයි. ඒ වෙනුවට, පැරිස් 2024 ඔලිම්පික් ක්‍රීඩා උළෙල සඳහා සුදුසුකම් ලබා ඇති ක්‍රීඩක ක්‍රීඩිකාවන් හතර දෙනෙකු පමණක් රට වෙනුවෙන් තරග කිරීමට අරගල කරනවා අපි සැවොම දුටු දෙයක්. ශ්‍රී ලංකාව අවසන් වරට ඔලිම්පික් පදක්කමක් දිනා ගත්තේ 1948 වසරේ ඩන්කන් වයිට්ගේ ඓතිහාසික රිදී පදක්කම සහ වසර 52කට පසුව මලල ක්‍රීඩා ඉසව්වෙන් රිදී පදක්කමක් දිනූ 2000 වසරේදීයි.
ශ්‍රී ලංකාවේ ක්‍රීඩාව දූෂණය ඛේදනීය කතා පුවතක් බවට පත්ව ඇති අතර, මේ තත්වයෙන් ඉක්මනින්ම ක්‍රීඩාව නගා සිටුවිය යුතුය. සෑම නව ක්‍රීඩා අමාත්‍යවරයෙකුම ධූරයට පත්වන විට, නව ප්‍රතිසංස්කරණ බලාපොරොත්තු වුනත්, දූෂණයේ චක්‍රය දිගටම පවතින බව දකින්නට ලැබෙන දෙයක්. අල්ලස් ගැනීම සහ දේශපාලන මැදිහත්වීම් නිසා ගෝලීය ක්‍රීඩාව තුළ ශ්‍රී ලංකාවේ ස්ථාවරය ප්‍රශ්නකාරී වී තිබෙනවා. කෙසේවෙතත් සැබෑ වෙනසක් කඩිනමින් ක්‍රියාත්මක නොකළහොත් අනාගත ක්‍රීඩක ක්‍රීඩිකාවන්ට ලෝකය තුළ බැබලීමේ අවස්ථාව අහිමි කරමින් ලෝක ක්‍රීඩා සිතියමෙන් රට තවදුරටත් මැකී යාමේ අවදානමක් ඇති කරනවා.
