මෙම වසරේ මෙතෙක් කාලය තුළ පුද්ගල ඝාතන 22 ක් සිදුවී ඇති බව වැඩබලන පොලිස්පති ප්‍රියන්ත වීරසූරිය මහතා අනාවරණය කළා.
අද පැවැති මාධ්‍ය හමුවකට එක්වෙමින් ඔහු පැවසුවේ, එම ඝාතන වලින් 17 ක් සරල ඝාතන වශයෙන් සහ 05 ක් කපාකොටා ඝාතන ලෙස වර්ගීකරණය කළ හැකි බවයි.
මෙයට අමතරව, එම අපරාධ සිදුවීම්වලට ඍජුව හෝ වක්‍රව සහයෝගය ලබාදුන් ආරක්ෂක අංශ සාමාජිකයින් සම්බන්ධයෙන්ද විමර්ශනවලදී තොරතුරු අනාවරණය වී ඇති බව පොලිස්පතිවරයා වැඩිදුරටත් කියා සිටියා.
එවැනි පොලිස් නිලධාරීන් දෙදෙනෙකු, එක් හමුදා සාමාජිකයෙකු, එක් ගුවන් හමුදා සාමාජිකයෙකු සහ හමුදාවෙන් පලාගිය පුද්ගලයින් 07 දෙනෙකු මේ වනවිට අත්අඩංගුවට ගෙන, නීතිමය පියවර ගැනීම සඳහා වැඩිදුර විමර්ශන සිදුකරමින් සිටින බවද හෙළි වුණා.
