ගණේමුල්ල සංජීව ඝාතනයට අදාළව මේ වන විට බන්ධනාගාර දෙපාර්තමේන්තුව විසින් සිදුකරන විමර්ශනවලට අනුව නිලධාරින් ඇතුලු 15 දෙනෙකුගෙන් ප්‍රකාශ සටහන් කරගෙන ඇති බව වාර්තා වනවා.
පොලීසිය සහ පොලිස් විශේෂ කාර්ය බළකාය නිලධාරීන්ගෙන් මෙන්ම ගණේමුල්ල සංජීව උසාවියට රැගෙන එම සිදුකිරීම සම්බන්යෙන්ධ වගකීම දැරු නිලධාරියාගෙන් ද ප්‍රශ්න කර ඇති බව බන්ධනාගාර ආරංචි මාර්ග පවසනවා.
එමෙන්ම තවත් 15 දෙනෙකුගෙන් ප්‍රශ්න කිරීම් සිදුකිරීමට නියමිත බව වාර්තා වනවා.
මෙම විමර්ශන කටයුතු සහකාර බන්ධනාගාර අධිකාරීවරයෙකුගේ අධීක්ෂණය යටතේ සිදුවනවා.
මේ අතර, උසාවියට ගෙන ඒමට පෙර ගණේමුල්ල සංජීව සිටි සිරමැදිරියේ තිබි ජංගම දුරකථනයක් හමු වී තිබෙනවා.
එය විමර්ශන සඳහා යොමු කර ඇති බව වාර්තා වනවා.
එමෙන්ම මේ වන විට ඇති නිල වාර්තාවල දැක්වෙන්නේ ගණේමුල්ල සංජීව අංක 5 අධිකරණයට ඉදිරිපත් කිරීමට පෙර අලුත් කඩේ අංක 9 අධිකරණයට ඉදිරිපත් කර ඇති බවයි.
