ප්‍රසිද්ධ ව්‍යාපාරිකයෙකු වන සුරේන්ද්‍ර වසන්ත නොහොත් ක්ලබ් වසන්ත මියගොස් තිබෙනවා.
ඒ, අතුරුගිරිය, ඔරුවල ප්‍රදේශයේදී සිදු කළ වෙඩි තැබීමකින්.
ව්‍යාපාරික ආයතනයක් විවෘත කිරීමේ උත්සවයකට සහභාගී වූ අවස්ථාවේ මෙම වෙඩි තැබීම සිදු කර තිබෙනවා.
ඒ සමගම තවත් හය දෙනෙකුට තුවාල සිදුවී ඇති බව පොලීසිය සඳහන් කළා.
තුවාල ලැබූවන් අතර ජනප්‍රිය ගායන ශිල්පිනී වන කේ. සුජීවා ද සිටින බව පොලීසිය තහවුරු කළා.
එහිදී හෝමාගම මූලික රෝහල වෙත ඇතුලත් කළ ඇයව කොළඹ ජාතික රෝහල වෙත හදිසි ප්‍රතිකාර සඳහා යොමු කර තිබෙන බවයි වාර්තා වන්නේ.
මෙම වෙඩි තැබීම සිදු කලේ කවුරුන්ද යන්න මෙතෙක් අනාවරණය වී නැහැ.
Update
අතුරුගිරිය නගරයේ සිදුවූ වෙඩි තැබීමෙන් තවත් අයෙකු ජීවිතක්ෂයට පත්ව තිබෙනවා.
වෙඩිතැබීම සිදුකළ සැකකරුවන් පැමිණි වාහනය බව පැවසෙන වාහනය අසල CCTV කැමරාවක සටහන්ව තිබෙන බව පොලීසිය සඳහන් කළා.
ඒ අනුව සැකකරුවන් අත්අඩංගුවට ගැනීම සඳහා පොලිස් විමර්ශන ක්‍රියාත්මකයි.
