ලෝකය පුරා ධන කුවේරයන් සැඟවූ ධනය පිළිබඳව හෙළිදරව් කෙරෙන පැනඩෝරා පත්‍රිකාවල මීළඟ හෙළිදරව්වෙන් වත්මන් ආණ්ඩුවේ ඉහළ තනතුරු දරන අය සම්බන්ධයෙන් තොරතුරු ඇතැයි හිටපු අමාත්‍ය ගාමිණී ලොකුගේ මහතා සඳහන් කරනවා.
ඒ පිළිබඳව තමන් ඉදිරි සතියේ රටට විශේෂ හෙළිදරවක් සිදුකරන බවද ඔහු සඳහන් කළා.
ආණ්ඩුවේ ඉහළ නිලයන් දරන පුද්ගලයන්ගේ මුදල් පිළිබඳවද එහිදී තමන් හෙළි කරන බවත් මාධ්‍ය හමුවක් අමතමින් ඒ මහතා කියා සිටියා.
මෙම තොරතුරු හෙළිකල පසු ආණ්ඩුවේ එම පිරිස් සම්බන්ධයෙන් අවශ්‍ය පියවර ගැනීමට රජය කටයුතු කරනු ඇති බවද අමාත්‍යවරයා ප්‍රකාශ කර සිටියා.
