දකුණු අධිවේගයේ කොළඹ දෙසට වූ මාර්ගයේ මෝටර් රථ දෙකක් ගැටී අද පස්වරුවේ අනතුරක් සිදුව තිබෙනවා.
එම අනතුර සිදුව ඇත්තේ බද්දේගම සහ පින්නදූව අතරයි.
ඉන් 5 දෙනෙක් තුවාල ලබා තිබෙනවා.
එහිදී කොළඹ දෙසට ගමන් ගත් එක් මෝටර් රථයක් මාර්ගයෙන් ඉවතට ලිස්සා ආරක්ෂිත වැටේ වැදීමෙන් පසු ඊට පිටුපසින් පැමිණි තවත් මෝටර් රථයක් හා ගැටී තිබුණා.
තුවාල ලැබුවන් අතර වයස අවුරුදු 13ක දරුවෙකු සමග කාන්තාවන් දෙදෙනෙක් සිටි බවයි වාර්තා වන්නේ.
ඔවුන් ප්‍රතිකාර සඳහා බද්දේගම සහ කරාපිටිය රෝහල්වලට යැවූ බව පින්නදුව දක්ෂිණ අධිවේගී පොලිස් මුරපොළ සඳහන් කළා.
තුවාලලැබූවන් අතුරුගිරිය සහ මතුගම ප්‍රදේශවල පදිංචිකරුවන් වන අතර ඔවුන් කතරගම සිට ආපසු නිවෙස් බලායමින් සිටියදී මෙම අනතුරට මුහුණපා තිබෙනවා.
